विमानतळावरील कर्मचाऱ्यांच्या जीवाला धोका; मुंबई पोलिसांना उत्तर प्रदेशमधून फोन – Maharashtra Times

मुंबईः मुंबई विमानतळीवरील कर्मचाऱ्यांच्या (Mumbai Airport)जीवाला धोका असल्याचा फोन मुंबई पोलिसांच्या (Mumbai Police) वाहतूक नियंत्रक कक्षाला आला होता. या फोननंतर एकच खळबळ उडाली होती. मात्र, हा एक फेक कॉल असून लखनऊवरुन आल्याची माहिती समोर आली आहे.

मुंबई वाहतूक पोलिसांच्या कंट्रोल युनिटला आज सकाळच्या सुमारास एक फोन आला होता. यावेळी फोन करणाऱ्या व्यक्तीने मुंबई विमानतळावर काम करणाऱ्या कर्मचाऱ्यांच्या जीवाला धोका असल्याचं सांगितलं. त्यामुळं या फोननंतर एकच खळबळ माजली होती.

वाचाः मुंबईकरांना पावसाळी आजारांचा वेढा; मलेरिया, डेंग्यूचे रुग्ण वाढले

पोलिसांनी या बाबत अधिक चौकशी केल्यानंतर हा फोन खोटा असल्याचे समोर आलं आहे. त्यानंतर या प्रकरणी तक्रार दाखल करण्यात आली आहे. फसवा फोन करणारा हा व्यक्ती उत्तर प्रदेशमधील लखनऊ येथील रहिवाशी आहे. त्यामुळं सध्या मुंबई पोलिस हे लखनऊ पोलिसांच्या संपर्कात असून लवकरच आरोपीला मुंबईत आणले जाईल, अशी माहिती मुंबई पोलिसांनी दिली आहे.

वाचाः ‘गोव्यातील लोकांना भाजप हिंदूंचा तारणहार वाटत असेल तर…’

वाचाः नाशिक, मुंबईसाठी पुढील तीन तास महत्त्वाचे; वादळी वाऱ्यासह पावसाचा इशारा