मुंबई : सांताक्रुझ परिसरातील एलआयसी कार्यालयाच्या इमारतीला आग (Lic Office Fire) लागल्याची घटना समोर आली आहे. ही आग विझवण्यासाठी अग्निशमन विभागाच्या आठ गाड्या घटनास्थळी दाखल झाल्या आहेत. मिळालेल्या प्राथमिक माहितीनुसार या आग दुर्घटनेत कोणतीही जीवितहानी झालेली नाही.
इमारतीला आग लागल्याचं लक्षात येताच कामगारांनी याबाबत अग्निशमन विभागाला माहिती दिली. त्यानंतर अग्निशामक विभागाच्या गाड्या तत्काळ घटनास्थळी दाखल झाल्या असून आग आटोक्यात आणण्यासाठी युद्धपातळीवर प्रयत्न करण्यात येत आहे.
दरम्यान, या दुर्घटनेमुळे एलआयसी कार्यालय परिसरात काही काळासाठी गोंधळाचं वातावरण निर्माण झालं होतं.
Source: https://maharashtratimes.com/maharashtra/mumbai-news/big-news-fire-breaks-out-in-lic-office-building-in-santacruz-area-in-mumbai-this-morning/articleshow/91390522.cms
