मुंबई : समलिंगी असल्याची बाब लपवल्याप्रकरणी मुंबई सत्र न्यायालयाने तरुणाला एक लाख रुपयांची नुकसान भरपाई आणि मासिक १५ हजार रुपयांची रक्कम पत्नीला देण्याचे आदेश मुंबई सत्र न्यायालयाने दिले आहेत. सत्र न्यायालयाने कनिष्ठ न्यायालयाचा आदेश कायम ठेवला. पतीने त्यांचे लग्नबंधन पूर्णपणे निभावले नसल्याचा आरोप करणाऱ्या महिलेच्या बाजूने निकाल दिला.
लग्नातील कर्तव्य पाडण्याऐवजी आपल्या पतीचे इतर पुरुषांशी संबंध होते, असे तक्रारदार महिलेने न्यायालयाला सांगितले. कौटुंबिक हिंसाचार हा केवळ शारीरिक हिंसा किंवा अत्याचारापुरता मर्यादित नसून त्यात लैंगिक, शाब्दिक, भावनिक आणि आर्थिक अत्याचाराचाही समावेश असल्याचेही महत्त्वपूर्ण निरीक्षण यावेळी न्यायालयाने नोंदवले.
महिलेचा पती एक सरकारी कर्मचारी आहे. त्याचे इतर पुरुषांशी प्रेमसंबंध असल्याचा आरोप महिलेने केला. २०१६ मध्ये या जोडप्याने लग्न केले होते. “अर्जदार महिलेने तिच्या पतीचे इतर पुरुषांसोबतचे नग्न अवस्थेतील फोटो मोबाईलमध्ये पाहिल्याचे सांगितले होते. आपल्या दाव्यावर ठाम राहण्यासाठी ति स्क्रीनशॉट रेकॉर्डवर दाखल केले गेले.” असे महिलेने सादर केलेल्या पुराव्यांबद्दल बोलताना न्यायाधीश म्हणाले.
“पतीच्या फोनमधील धक्कादायक फोटो पाहून महिलेवर झालेला आघात आणि भावनिक अत्याचार स्वाभाविक आहे” असं सांगत, पती आणि सासरच्या मंडळींकडून महिलेवर भावनिक आणि मानसिक अत्याचार होत असल्याचंही कोर्टानं निरीक्षण नोंदवलं.
हेही वाचा : मम्मीने पाय पकडले, अंकलने पप्पांचा गळा दाबला; निष्पाप मुलांनी सारंच सांगितलं; पोलीस सुन्न
२०१८ मध्ये महिलेने तिचा पती आणि सासू विरुद्ध घरगुती हिंसाचाराची तक्रार दाखल केली होती. खटला चालला असताना, तीन वर्षांनंतर २०२१ मध्ये दंडाधिकारी न्यायालयाने नुकसानभरपाईचे आदेश दिले, त्यानंतर पतीने सत्र न्यायालयात धाव घेतली. आपल्या याचिकेत महिलेने न्यायालयाला सांगितले की, तिने तिच्या पतीसोबत जवळीक निर्माण करण्याचा प्रयत्न केला पण पतीने त्यास आडकाठी केली.
हेही वाचा : प्रियकराच्या मदतीने आईचा काटा काढला, ठाण्यात अल्पवयीन मुलीचं टोकाचं पाऊल
Source: https://news.google.com/__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?oc=5
