मुंबईः दिवाळीच्या पार्श्वभूमीवर मुंबई पोलिसांनी मुंबईकरांसाठी मोठा निर्णय घेतला आहे. मुंबईत १६ सप्टेंबर ते १४ नोव्हेंबरपर्यंत लँटर्न (उडते कंदिल) उडवण्यावर व विक्री करण्यास बंदी घातली आहे.
सणासुदीला मुंबईत चायनीज लँटर्न उडविण्यांमध्ये मोठ्या प्रमाणावर वाढ होत आहे. या लँटर्नबाबत सर्वसामान्यांना असलेल्या आकर्षणामुळेच नरिमन पॉइंट ते गिरगाव चौपाटीपर्यंतच्या पट्ट्यात हे लँटर्न विकले जातात व तेथेच ते आकाशात सोडले जातात. लँटर्नच्या तळाशी ज्वालाग्रही पदार्थ लावून ते हवेत सोडण्यात येतात. मात्र, या लँटर्नमुळं मरिन ड्राइव्हसमोरील इमारती व सतत धावणाऱ्या वाहतुकीलाही त्याचा धोका संभवतो. सणासुदीच्या दिवसांत धोका टाळण्यासाठी मुंबई पोलिसांनी या लँटर्नवर बंदी आणण्याचा निर्णय घेतला आहे. दिवाळीच्या दिवसांत मुंबईत हे लँटर्न विक्री करण्यास व उडवण्यास बंदी घालण्यात आली आहे. मुंबई पोलिसांकडून असे आदेश जारी करण्यात आले आहेत.
वाचाः वडील हॉलमध्ये बसले होते, मुलगा गच्चीवर गेला अन् उडी घेतली; लातूरमध्ये मन सुन्न करणारा प्रकार
बुधवारी मुंबई पोलिसांकडून एक पत्रक काढण्यात आले होते. त्यात नमूद केलेल्या आदेशानुसार, आकाशात उडणारे लँटर्न्स हे मनुष्याच्या आरोग्यासाठी व सुरक्षिततेसाठी धोकादायक ठरु शकतात. जर, या नियमांचे पालन न झाल्या सेक्शन १८८ अंतर्गंत गुन्हा दाखल होऊ शकतो, असंही या पत्रकात नमूद करण्यात आलं आहे. १६ ऑक्टोबर ते १४ नोव्हेंबरपर्यंत हे आदेश लागू राहणार आहेत.
वाचाः डॉक्टरची पदवी कायम राहणार; पण ११ लाखांचा दंड भरावा लागणार; कोर्टाने असा निर्णय का दिला?
चायनीज लँटर्न म्हणजे काय?
कागदापासून बनवलेल्या कंदिलांसारख्या या लँटर्नची एक बाजू उघडी असते. तिथे मेणासारखा पदार्थ लावण्यात येतो. तो पेटवल्यानंतर कागदाच्या आतील हवा तापू लागते. कागदाच्या आत अडकलेल्या हवेचे तापमान वाढल्यानंतर ते हवेच्या वरच्या दिशेने जाऊ लागते.
वाचाः मांजरीचा पाठलाग करत थेट बिबट्या घरात, जेवायला बसलेल्या कुटुंबासोबत घडला एकच थरार
Source: https://maharashtratimes.com/maharashtra/mumbai-news/mumbai-police-bans-use-of-chinese-lanterns-for-30-days/articleshow/94833639.cms
