म. टा. विशेष प्रतिनिधी, औरंगाबाद
चिनी, नायलॉन मांजाने नाशिकमधील महिलेचा बळी गेला, तर नागपूरमध्ये एक तरुण गंभीर जखमी झाला. त्यासंदर्भाने औरंगाबाद खंडपीठाने दाखल करून घेतलेल्या सुमोटो याचिकेवरील सुनावणीदरम्यान चिनी मांजावर प्रतिबंधात्मक कारवाईच्या अनुषंगाने किती ठिकाणी छापे मारले, किती गुन्हे दाखल केले, याचा अहवाल पोलिस आयुक्त, जिल्हाधिकारी, विभागीय आयुक्त व पोलिस अधीक्षकांकडून मागवला आहे.
खंडपीठाचे न्या. रवींद्र घुगे व न्या. विभा कंकणवाडी यांच्यासमोर सुनावणी झाली. या प्रकरणात न्यायालयीन मित्र म्हणून सत्यजित बोरा यांना नियुक्त केले आहे. सुनावणीदरमयान नवी दिल्लीतील राष्ट्रीय हरीत लवादाच्या मुख्यपीठाने ११ जुले २०१७ रोजी दिलेल्या निर्देशाचे पालन होते का, अशी विचारणाही खंडपीठाने केली आहे. या प्रकरणात चिनी, नायलॉन मांजाचे उत्पादन करणारे, विकणारे, विकत घेणारे यांच्याबाबतही कारवाईच्या दृष्टीने विचार होणे आवशयक असल्याचे मुख्य सरकारी वकील डी. आर. काळे यांनी बाजू मांडताना सांगितले
Source: https://maharashtratimes.com/maharashtra/aurangabad/bombay-high-court-aurangabad-bench-has-ordered-report-from-police-commissioner-district-collector-over-preventive-action-on-chinese-manja/articleshow/80060984.cms
