पंतप्रधान नरेंद्र मोदी महाराष्ट्रातील सत्तांतरानंतर पहिल्यांदाच मुंबईत येत आहेत. या दौऱ्यावेळी मोदींच्या हस्ते मुंबईतील विविध विकासकामांचं उद्घाटन केले जाणार आहे.
मात्र, या सत्तांतरानंतर राज्यात उमटलेले राजकीय पडसाद, महाराष्ट्र कर्नाटक सीमावाद, महाराष्ट्रातील मोठे उद्योग प्रकल्प गुजरातला पळविल्याचा ठपका, राज्याबाहेर राज्यपालांचं छत्रपती शिवाजी महाराजांविषयीचं अवमानकारक वक्तव्य, भाजप शिंदे गटातील मंत्र्यांची महापुरुषांविषयींचं वादग्रस्त विधानं, शिंदे फडणवीस सरकारवर होत असलेले भ्रष्टाचाराचे आरोप यामुळे राजकीय वातावरण चांगलंच ढवळून निघालेलं असतानाच दुसरीकडे मोदींचा मुंबई दौरा होणार आहे.
यामुळे भाजपकडून जोरदार मोदींच्या मुंबई दौऱ्यासाठी जय्यत तयारी सुरु असतानाच दुसरीकडे विरोधकांकडून या मोदीवर काय प्रतिक्रिया दिल्या जातात हे पाहणे औत्सुक्याचं ठरणार आहे.
Source: https://news.google.com/__i/rss/rd/articles/CBMijAFodHRwczovL3d3dy5zYXJrYXJuYW1hLmluL211bWJhaS9uYXJlbmRyYS1tb2RpLWJpZy1uZXdzLXByaW1lLW1pbmlzdGVyLW5hcmVuZHJhLW1vZGktd2lsbC12aXNpdC1tdW1iYWktb24tamFudWFyeS0xOS13aGF0LWlzLXRoZS1yZWFzb24tZGs4ONIBlgFodHRwczovL3d3dy5zYXJrYXJuYW1hLmluL2FtcC9zdG9yeS9tdW1iYWkvbmFyZW5kcmEtbW9kaS1iaWctbmV3cy1wcmltZS1taW5pc3Rlci1uYXJlbmRyYS1tb2RpLXdpbGwtdmlzaXQtbXVtYmFpLW9uLWphbnVhcnktMTktd2hhdC1pcy10aGUtcmVhc29uLWRrODg?oc=5
