Maharashtra-Mumbai Rains LIVE Updates: मुंबईत मुसळधार, सखल भागात पाणी साचलं, मुंबई, रायगड, कोल्हापूर – Maharashtra Times

गेल्या वर्षी १९ जुलै रोजी याच परिसरातील भारतनगर बंजारा तांडा वस्ती येथे दरड कोसळून १९ रहिवाशांचा मृत्यू झाला होता, हीच भिंत आहे ती, परंतु लोकेशन थोडे लांबचे आहे, नागरिक भयभीत आहेत, कुणी जखमी झाल्याचे वृत्त नाही

ठाण्यात आझाद नगर ते कोलशेत लिंक रोड दीड तासापासून वाहतूक कोंडी, सिटी फ्लो ची बस बंद पडल्याने दीड किमीच्या वाहनांच्या रांगा, अनेक शाळकरी मुले अडकली, वाहतूक पोलीस अनभिज्ञ, स्थानिकच करताहेत वाहतूक नियोजन आणि त्यात मुसळधार पाऊस

पूर परिस्थिती निर्माण होऊन जीवित व मालमत्तेची हानी होऊ नये म्हणून मुख्यमंत्री एकनाथ शिंदे हे स्वतः कोकणातील सर्व जिल्ह्यांच्या जिल्हाधिकाऱ्यांच्या संपर्कात आहेत. एनडीआरएफ जवानांना तसेच इतर पथकांना सज्ज राहण्याचे निर्देश मुख्यमंत्री शिंदे यांनी दिले आहेत.

ठाणे: मुख्यमंत्री एकनाथ शिंदे यांच्या निवासस्थानाच्या गेटच्या बाजूला एक भलेमोठे वृक्ष पावसामुळे उन्मळून पडले, सुदैवाने कुठलीही दुर्घटना घडली नाही, झाड उन्मळून पडले त्या ठिकाणी पालिकेचे अतिरिक्त आयुक्त संजय हेरवडे यांची गाडी उभी होती, मात्र अधिकारी, ड्रायवर आणि त्यांचे अंगरक्षक गाडीत नसल्यामुळे पुढील अनर्थ टळला