मॅच जिंको किंवा नाही IPL मध्ये मुंबई एक नंबर; चाहत्यांसाठी हंगामातील पहिली आनंदाची बातमी – Maharashtra Times

मुंबई: रोहित शर्माच्या नेतृत्वाखाली खेळणाऱ्या मुंबई इंडियन्स (mumbai indians)ने पाच विजेतेपद मिळवली आहेत. मात्र आयपीएल २०२२ मध्ये त्यांची अवस्था फारच खराब झाली आहे. मुंबईने सुरुवातीचे सलग आठ सामने गमावले आहेत आणि प्लेऑफच्या शर्यतीतून ते बाहेर पडलेत. या खराब कामगिरीनंतर देखील मुंबईच्या ब्रॅण्ड व्हॅल्यूत कोणताही फरक पडलेला नाही. आयपीएलच्या अन्य कोणत्याही संघांपेक्षा मुंबई इंडियन्सची ब्रॅण्ड व्हॅल्यू सर्वाधिक आहे. मुंबईनंतर सर्वाधिक चार वेळा आयपीएलचे विजेतेपद मिळवणारा चेन्नई सुपर किंग्ज आणि स्टार शाहरुख खानच्या मालिकचा संघ कोलकाता नाईट रायडर्स या यादीत अंबानींच्या संघाच्या बरेच मागे आहेत.

वाचा- षटकार मारला म्हणून आला राग; हर्षलसह मोहम्मद सिराज भारतीय खेळाडूच्या अंगावर गेले

फोर्ब्स (Business Magazine Forbes)ने दिलेल्या ताज्या माहितीनुसार आयपीएल संघांमध्ये मुंबई इंडियन्सची ब्रॅण्ड व्हॅल्यू सर्वाधिक आहे. सध्या मुंबईची ब्रॅण्ड व्हॅल्यू १.३ मिलियन म्हणजेच जवळपास १० हजार कोटी इतकी आहे. तर बीसीसीआयचे माजी प्रमुख एन श्रीनिवासन यांच्या मालकीच्या चेन्नई सुपर किंग्जची ब्रॅण्ड व्हॅल्यू ८ हजार ८०६ कोटी इतकी आणि केकेआरची ब्रॅण्ड व्हॅल्यू ८ हजार ४२४ कोटी इतकी आहे.

वाचा- रोहित शर्माची भावनिक पोस्ट तुम्ही वाचली का? सर्वांचे आभार मानले

आयपीएलचा पहिला हंगाम खेळणाऱ्या लखनौ सुपर जायंट्सची ब्रॅण्ड व्हॅल्यू ८ हजार २३३ कोटी इतकी असून ते या यादीत चौथ्या स्थानावर आहेत. ऋषभ पंत नेतृत्व करत असलेल्या दिल्ली कॅपिटल्सचा संघ याबाबत पाचव्या स्थानावर आहे. त्यानंतर बेंगळुरू, राजस्थान, हैदराबाद, पंजाब आणि गुजरातचा क्रमांक लागतो.

वाचा- रोहित शर्माची भावनिक पोस्ट तुम्ही वाचली का? सर्वांचे आभार मानले

आयपीएलमधील संघ आणि त्यांचे ब्रॅण्ड व्हॅल्यू

१) मुंबई इंडियन्स- ९ हजार ९९५ कोटी
२) चेन्नई सुपर किंग्ज- ८ हजार ८०६ कोटी
३) कोलकाता नाईट रायडर्स- ८ हजार ४२४ कोटी
४) लखनौ सुपर जायंट्स- ८ हजार २३३ कोटी
५) दिल्ली कॅपिटल्स- ७ हजार ९२६ कोटी
६) रॉयल चॅलेंजर्स बेंगळुरू- ७ हजार ८५० कोटी
७) राजस्थान रॉयल्स- ७ हजार ६५८ कोटी
८) सनरायझर्स हैदराबाद- ७ हजार ४२८ कोटी
९) पंजाब किंग्ज- ७ हजार ८४ कोटी
१०) गुजरात टायटन्स- ६ हजार ५१० कोटी