coronavirus latest update करोना: मुंबईतील दैनंदिन नव्या रुग्णांची आकडेवारी आली; पाहा ताजी स्थिती! – Maharashtra Times

मुंबई: गेल्या काही दिवसांपासून मुंबईतील दैनंदिन करोना (Coronavirus) रुग्णसंख्येत घट होत आहे. आज मात्र मुंबईत कालच्या तुलनेत रुग्णसंख्येत नगण्य वाढ झालेली दिसत आहे. मुंबई महानगरपालिकेने दिलेल्या माहितीनुसार, आज सोमवारी मुंबईत एकूण २५९ नव्या नव्या कोरोनाबाधित रुग्णांची नोंद झाली आहे. तसेच मुंबईत आज एकाही रुग्णाचा मृत्यू न झाल्याने मुंबईकरांना दिलासा मिळाला आहे. तसेच मुंबईत आज ४२६ करोना बाधित बरे होऊन घरी गेले आहेत. आज निदान झालेल्या एकूण २५९ रुग्णांपैकी २० रुग्णांना रुग्णालयात दाखल करण्यात आले आहे. उर्वरीत २२९ रुग्णांमध्ये लक्षणे नसल्याकारणाने त्यांना घरीच विलगीकरणात ठेवण्यात आले आहे. (mumbai registered 259 new cases in a day with 426 patients recovered no death registered today)

क्लिक करा आणि वाचा- शिवसेनेचे ज्येष्ठ नेते सुधीर जोशी यांचे निधन, ८१ व्या वर्षी घेतला अखेरचा श्वास

मुंबईतील एकूण बाधितांपैकी आतापर्यंत एकूण १० लाख ३३ हजार ४९७ रुग्ण बरे झाले आहेत. या बरोबरच मुंबईतील रुग्ण बरे होण्याचा दर आहे ९८ टक्के. तर मुंबईत आज एकूण १ हजार ९४५ रुग्ण सक्रिय आहेत. तर मुंबईत रुग्ण दुप्पट होण्याचा दर हा २ हजार ४०७ दिवसांचा आहे. तर मुंबईत १० फेब्रुवारी ते १६ फेब्रुवारी या कालावधीत रुग्णवाढ ०.०३ टक्के इतकी आहे, अशी माहिती मुंबई महापालिकेने दिली आहे.

सध्या मुंबईत एकही इमारत सील करण्यात आलेली नाही. तर, आज नव्याने सापडलेल्या २५९ रुग्णांपैकी २० रुग्णांना रुग्णालयात दाखल करण्यात आले आहे. त्यामुळे मुंबई पालिकेकडील ३६ हजार ४१९ बेड्सपैकी केवळ ८५८ बेडचा वापर करण्यात आला आहे.

क्लिक करा आणि वाचा- देशातील पहिली वॉटर टॅक्सीसेवा सुरू; मुंबई ते बेलापूर चालणार जलवाहतूक

मुंबईतील संध्याकाळी ६ वाजेपर्यंतची स्थिती

> २४ तासात बाधित रुग्ण- २५९
> २४ तासात बरे झालेले रुग्ण- ४२६
> बरे झालेले एकूण रुग्ण- १०३३४९७
> बरे झालेल्या रुग्णांचा दर-९८%
> एकूण सक्रिय रुग्ण- १९४५
> दुप्पटीचा दर- २४०७ दिवस
> कोविड वाढीचा दर (१० फेब्रुवारी ते १६ फेब्रुवारी)- ०.०३%

क्लिक करा आणि वाचा- बॉय का?; राणेच्या खोचक टीकेला मिलिंद नार्वेकरांचे खरमरीत उत्तर, सुरू झाले ट्विटरवॉर