मुंबई : भारताने कोरोना लसीकरणाच्या (corona vaccination) बाबतीत 100 कोटींचा ऐतिहासिक टप्पा (historical record) गाठला आहे. कोरोनाविरोधातील (corona fight) युद्ध देशभरात वेगाने सुरू आहे. 100 कोटी कोरोना लसीकरण करण्यात सर्व राज्यांचे चांगले योगदान (All state contribution) आहे. या निमित्ताने गुरुवारी मुंबईच्या लसीकरण केंद्रांमध्ये (Mumbai vaccination center) उत्सव साजरा करण्यात आला.
हेही वाचा: रश्मी शुक्ला यांना मुंबई पोलीस आरोपी करणार का? हायकोर्टाचा सवाल
देशात कोरोना लसीचे 100 कोटी डोस झाल्यानंतर मुंबईतही आनंद साजरा करण्यात आला. पालिकेच्या सर्व लसीकरण केंद्रांमध्ये 100 कोटी डोसची रांगोळी काढली तर काही केंद्रांमध्ये लाभार्थींचा आणि काही केंद्रांमध्ये कर्मचाऱ्यांचा सन्मान करण्यात आला. पालिकेच्या शिवाजी नगर लसीकरण केंद्रात 100 व्या लाभार्थीचा गुलाब पुष्प देऊन सत्कार करण्यात आला, तर केईएम रुग्णालयातील लसीकरण केंद्राच्या कर्मचाऱ्यांना शॅम्पूची बाॅटल भेट म्हणून देण्यात आली. याशिवाय, सर्व जम्बो लसीकरण केंद्रे फुग्यांनी सजवण्यात आली होती. बीकेसी जंबो लसीकरण केंद्रांवर केक कापून हा उत्सव साजरा करण्यात आला. बीकेसी केंद्राचे अधिष्ठाता डॉ.राजेश ढेरे म्हणाले की, केक कापण्याव्यतिरिक्त केंद्रात आलेल्या लाभार्थ्यांना फुलांनी सन्मानित करण्यात आले. याशिवाय मध्यवर्ती परिसरात मोठी रांगोळीही काढण्यात आली.
परिचारिका काय म्हणतात ?
लसीकरणामध्ये महत्त्वाची भूमिका बजावणाऱ्या परिचारिकांनी देशात लसीच्या 100 कोटी डोसवर आनंद व्यक्त केला. केईएम रुग्णालयाच्या मॅट्रॉन डॉ.प्रतिमा नाईक यांनी आनंद व्यक्त केला. त्या या दिवसाची खूप दिवसांपासून वाट पाहत होत्या. केईएम रुग्णालयात त्यांनी लसीकरण केंद्रे व्यवस्थापित करण्याची जबाबदारी लोकांना लसीकरण करण्यासाठी आणि परिचारिकांना प्रशिक्षण देण्याची जबाबदारी पार पाडली. लसीचा त्रास होऊ नये आणि लसीची एकही वायल वाया जाऊ नये याची काळजी घेतली.
हेही वाचा: UGC : आयडॉलच्या एमएमएस, एमसीएसह १७ अभ्यासक्रमाला मिळाली परवानगी
शिवाजीनगर लसीकरण केंद्राच्या वॅक्सीनेटर तृप्ती खडसे यांनी सांगितले की, गेल्या 4 महिन्यांपासून त्या लसीकरणाचे काम करत आहेत. या कामात त्यांना वैद्यकीय अधिकारी डॉ नौनी आणि एएमओ डॉ तानाजी यांचे पूर्ण सहकार्य लाभले. लसीकरणादरम्यान लोकांची चुकीची वृत्तीही अनुभवली गेली. लसीकरण प्रत्येकासाठी व्हावे ही त्यांची इच्छा होती.
अशा प्रकारे राबवली मोहिम
16 जानेवारीपासून आरोग्य कर्मचाऱ्यांसाठी कोरोना लसीकरण सुरू झाले. यानंतर, 4 फेब्रुवारीपासून फ्रंट लाइन कामगारांसाठी लसीकरण सुरू करण्यात आले. यानंतर, लसीचा दुसरा टप्पा 1 मार्चपासून सुरू झाला. यामध्ये 60 वर्षांपेक्षा जास्त व 45 वर्षांवरील गंभीर आजाराने ग्रस्त असणार्या लोकांना लस देण्यात आली. 1 एप्रिलपासून 45 वर्षांवरील सर्व लोकांना लस देण्यात आली. 1 मे रोजी 18 वर्षांवरील सर्व लोकांना लस देण्याची घोषणा करण्यात आली. दरम्यान, सुरुवातीला देशातील सर्वात संक्रमित शहरांपासून याची सुरुवात झाली.
Source: https://www.esakal.com/mumbai/mumbai-vaccination-update-corona-vaccination-historical-record-hundred-crore-dose-completed-celebrations-nss91
