हायलाइट्स:
- मुंबईत करोनाचा आलेख कमी होतोय
- लसीकरण होऊनही करोनाचा संसर्ग
- मुंबईत डॉक्टरला तिसऱ्यांदा करोनाची बाधा
मुंबईः मुंबईत करोना संदर्भात एक आश्चर्यचकित करणारा प्रकार समोर आला आहे. डॉक्टरला तिसऱ्यांदा करोनाची लागण झाली आहे. धक्कादायक म्हणजे या डॉक्टरने लसीचे दोन डोस पूर्ण केले आहेत. लसीकरण पूर्ण झाले असतानीही करोनाची लागण झाल्यानं चिंता व्यक्त केली जात आहे. (Mumbai Coronavirus)
डॉ सृष्टी हलारी असं या डॉक्टरचं नाव असून मुंबईतील मुलुंड भागात त्या राहतात. गेल्यावर्षी जून २०२०पासून आत्तापर्यंत तीनवेळा डॉ सृष्टी यांना करोनाची लागण झाली आहे. इतकंच नव्हे तर त्यांचा पूर्ण परिवार करोनाच्या विळख्यात सापडला आहे.
वाचाः सगळे मिळेल, पण हक्काची माणसे कठून मिळणार?; तळीयेतील ग्रामस्थांचा आक्रोश
डॉ. सृष्टी यांना तीनवेळा करोनाची लागण झाल्यानंतर त्यांचे जीनोम सिक्वेसिंगचे नमुने गोळा करण्यात आले असून तपासणीसाठी दिले आहेत. डॉक्टरांच्या म्हणण्यानुसार, तीनवेळी करोनाचा अहवाल येण्यामागे अनेक कारणं असू शकतात. यात करोना व्हेरियंट, रोगप्रतिकार शक्ती किंवा चुकीचा करोना अहवाल, अशी अनेक कारणं असू शकतात. तज्ज्ञानुसार, करोना लसीचे दोन्ही डोस घेतल्यानंतर करोनाची लागण होऊ शकते. पण असे रुग्ण लवकर बरेही होऊ शकतात.
वाचाः ‘विरोधक-सत्ताधारी बाकांची आदलाबदल झाली, पण काळ्या पैशाबाबत काय बदल घडला?’
डॉ सृष्टी हलारी म्हणतात…
माझ्या एका सहकाऱ्यामुळं पहिल्यांदा मला करोनाची लागण झाली होती. त्यानंतर मी माझी पोस्टिंग पूर्ण करुन पीजी अॅडमिशन परीक्षेआधी ब्रेक घेतला आणि घरीच थांबले. जुलै महिन्यात माझे संपूर्ण कुटुंबाला करोनाची लागण झाली.
मे महिन्यात झालेले दुसरे संक्रमण जुलै महिन्यात पुन्हा अॅक्टिव्ह झाले असवा. किंवा आरटीपीसीआर चाचणी निगेटिव्ह आली असेल, असं मत डॉ सृष्टींवर उपचार करणाऱ्या मेहुल ठक्कर यांनी व्यक्त केलं आहे.
वाचाः जगण्यासाठी लोकलमुभा द्या; डबेवाल्यांची सरकारकडे मागणी
Source: https://maharashtratimes.com/maharashtra/mumbai-news/covid-19-mumbai-doctor-tests-positive-third-time/articleshow/84816674.cms
