Mumbai Flight Viral Video : लग्न सराईचा सीजन सुरु झाल्याने प्रेमीयुगुल एकमेकांना प्रपोज करण्यात व्यस्त असल्याचे व्हायरल व्हिडीओच्या माध्यमातून समोर येत आहे. प्रेमाला वय नसतं असं म्हणतात, तसंच प्रेमासाठी प्रपोज करायला कोणत्या जागेचंही बंधन नसतं. कारण एका तरुणाने जमिनीवर नाही तर थेट विमान प्रवास करताना त्याच्या प्रेयसीला लग्नाचा प्रपोज केला आहे. हैद्राबाद-मुंबई विमान प्रवास करताना या दोघांचा रोमॅंटिक अंदाज कॅमेराबद्ध झाला असून व्हिडीओ सोशल मीडियावर तुफान व्हायरल झाला आहे. या कपलच्या रोमॅंटिक अदा पाहून विमानात असलेले प्रवासीही थक्क झाले आहेत. एका तरुणीने त्याच्या प्रेयसीला विमानात सर्व प्रवाशांच्या साक्षीने प्रपोज करुन मोठं सरप्राईज दिल्याचं व्हायरल झालेल्या या व्हिडीओत दिसत आहे.
विमानात तरुणीला लग्नाचा प्रपोज केला अन्…
मुंबईच्या फ्लाईटमध्ये एका व्यक्तीने क्रू मेंबरच्या मदतीनं त्याच्या प्रेयसीसाठी एक सरप्राईज प्लॅन केला होता. त्याचा एका मित्राची केबिन क्रू मेंबरसोबत ओळख होती. हिंदुस्तान टाईम्सने दिलेल्या माहितीनुसार, २ जानेवारीला हे घडलं असून एक महिला प्रवासी लंडनवरून आल्यावर हैद्राबादवरून मुंबईच्या दिशेन विमान प्रवास करणार होती. त्यावेळी प्रेयसीला सरप्राईज द्यायचं, असं त्या तरुणाने ठरवलं होतं. त्यासाठी तरुणाने मुंबई-हैद्राबाद-मुंबई अशी बुकिंग केली होती. कारण त्याला वेडिंग प्रपोजलचा प्लॅन करता येईल. प्रेयसीला प्रपोज करण्याचा त्या तरुणाने प्री प्लॅन केला होता. प्रेयसी विमान प्रवास करत असताना एका मोठ्या गुलाबी पोस्टरला घेऊन तो विमानाच्या गॅलरीत आला. त्यानंतर त्याने त्याच्या प्रेयसीला प्रपोज केला.
नक्की वाचा – Video : घराच्या पायरीवरच नागाने काढला फणा, तरुणीने थेट नागाची शेपटी पकडली अन् काही सेकंदातच…
हा रोमॅंटिक व्हिडीओ सोशल मीडियावर होतोय तुफान व्हायरल
इथे पाहा व्हिडीओ
तरुणाने पोस्टर दाखवल्यानंतर त्याच्या प्रेयसीला विचारलं, ” मी आयुष्यभर तुझ्यासोबत राहू शकतो. जीवनाच्या या प्रवासात तू मला साथ देशील? त्यानंतर ती तरुणी जेव्हा सीटवरून उभी राहिली तेव्हा तिच्या चेहऱ्यावर स्मितहास्य असल्याचं या व्हिडीओत दिसत आहे. तसेच तो मुलगा त्याच्या डोफ्यांवर बसून प्रेयसीला लग्नाचा प्रपोज करतानाही व्हिडीओत पाहायला मिळत आहे. एका लिंक्डइन युजरने हा व्हिडीओ शेअर करत कॅप्शनमध्ये लिहिलं, ‘मॅरिज प्रपोजल मेड इन हेवन, लव्ह इज इन द एअर,’. कपलचा रोमॅंटिक अंदाज पाहून विमानातील प्रवाशांन टाळ्यांचा गजर वाजवल्याचंही व्हिडीओत पाहायला मिळत आहे.
Source: https://news.google.com/__i/rss/rd/articles/CBMipQFodHRwczovL3d3dy5sb2tzYXR0YS5jb20vdHJlbmRpbmcvbWFuLXByb3Bvc2VzLWhpcy1naXJsZnJpZW5kLWluLWZsaWdodC1wYXNzZW5nZXJzLXNob2NraW5nLXJlYWN0aW9uLWFmdGVyLXdhdGNoaW5nLXJvbWFudGljLWNvdXBsZS13YXRjaC12aXJhbC12aWRlby1uc3MtOTEtMzM5MzAxNS_SAaoBaHR0cHM6Ly93d3cubG9rc2F0dGEuY29tL3RyZW5kaW5nL21hbi1wcm9wb3Nlcy1oaXMtZ2lybGZyaWVuZC1pbi1mbGlnaHQtcGFzc2VuZ2Vycy1zaG9ja2luZy1yZWFjdGlvbi1hZnRlci13YXRjaGluZy1yb21hbnRpYy1jb3VwbGUtd2F0Y2gtdmlyYWwtdmlkZW8tbnNzLTkxLTMzOTMwMTUvbGl0ZS8?oc=5
