मुंबई : बोगस जात प्रमाणपत्र प्रकरणी अमरावतीच्या अपक्ष खासदार नवनीत राणा यांना कोर्टाने झटका दिला आहे. मुंबई सत्र न्यायालयाने त्यांच्या अर्ज फेटाळून लावला आहे. नवनीत राणा आणि त्यांचे वडील हरभजन सिंह यांनी या प्रकरणात मुक्तता करण्याची मागणी अर्जाद्वारे केली होती. पण हा अर्ज सत्र न्यायालयाने फेटाळून लावला. त्यांनी शिवडी न्यायालयाच्या आदेशाविरोधात सत्र न्यायालयात अपील केलं होतं.
निवडणुकीच्यावेळी दाखल केलेल्या प्रतिज्ञापत्रात जातीचे बोगस प्रमाणपत्र दिल्याचा आरोप नवनीत राणा यांच्यावर आहे. या बोगस जात प्रमाणपत्राच्या आरोपांप्रकरणी शिवसेनेचे माजी खासदार आनंदराव अडसूळ आणि सुनील भालेराव यांनी तक्रार दाखल केली होती. यानंतर हायकोर्टाने जून २०२१ मध्ये नवनीत राणा यांचे जात प्रमाणपत्र रद्द केले होते. त्यांना २ लाख रुपयांचा दंड सुनावला होता.
काय आहे संपूर्ण प्रकरण?
मुंबईतील मुलुंड पोलीस ठाण्यात या प्रकरणी तक्रार करण्यात आली होती. नवनीत राणा आणि त्यांच्या वडिलांनी बोगस जात प्रमाणपत्र दिले, असा आरोप तक्रारीतून करण्यात आला. नवनीत राणा या अमरावतीच्या खासदार आहेत. लोकसभेची ही जागा अनुसूचित जातीच्या उमेदवारासाठी राखवी आहे. बोगस कागदपत्र देऊन नवनीत राणा यांनी जातीचे प्रमाणपत्र बनवलं म्हणत हायकोर्टाने २०२१ मध्ये हे प्रमाणपत्र रद्द केलं होतं.
आमदार प्रसाद लाड यांच्या मातोश्रींबद्दल फेसबुकवर अश्लील संदेश
माजी मुख्यमंत्री आणि शिवसेनेचे पक्षप्रमुख उद्धव ठाकरे यांच्या मातोश्री निवासस्थानासमोर हनुमान चालीसा म्हणण्याचा इशारा नवनीत राणा यांनी दिला होता. त्यानंतर अमरावतीच्या खासदार नवीन राणा या देशभरात चर्चेत आल्या. पोलिसांनी नवनीत राणा आणि त्यांचे पती रवी राणा यांना अटक केली होती. यानंतर त्यांची जामिनावर मुक्तता करण्यात आली.
ज्या प्रकरणावरुन मुख्यमंत्री अडचणीत, ते नागपूरचं प्रकरण नेमकं काय?
Source: https://news.google.com/__i/rss/rd/articles/CBMiiwFodHRwczovL21haGFyYXNodHJhdGltZXMuY29tL21haGFyYXNodHJhL211bWJhaS1uZXdzL25vLXJlbGllZi1mb3ItbXAtbmF2bmVldC1yYW5hLWluLWJvZ3VzLWNhc3RlLWNlcnRpZmljYXRlLWNhc2UvYXJ0aWNsZXNob3cvOTY0MDM2MzEuY21z0gGPAWh0dHBzOi8vbWFoYXJhc2h0cmF0aW1lcy5jb20vbWFoYXJhc2h0cmEvbXVtYmFpLW5ld3Mvbm8tcmVsaWVmLWZvci1tcC1uYXZuZWV0LXJhbmEtaW4tYm9ndXMtY2FzdGUtY2VydGlmaWNhdGUtY2FzZS9hbXBfYXJ0aWNsZXNob3cvOTY0MDM2MzEuY21z?oc=5
