मुंबई उच्च न्यायालयात दहावी पास असणाऱ्यांना संधी, ६३ हजारपर्यंत मिळेल पगार – Maharashtra Times

Bombay High Court Recruitment 2022: दहावी पास असणाऱ्या आणि वाहन चालकाचा अनुभव (Driving Experience) असणाऱ्या उमेदवारांसाठी महत्वाची माहिती आहे. मुंबई उच्च न्यायालय (Bombay High Court) येथे वाहनचालक पदाची भरती केली जाणार आहे. या पदभरतीमध्ये दहावी उत्तीर्ण असलेल्या उमेदवारांना प्राधान्य देण्यात येणार आहे. यासाठी अधिकृत वेबसाइटवर नोटिफिकेशन प्रसिद्ध करण्यात आले असून पदासाठी लागणारी शैक्षणिक अर्हता, वयोमर्यादा, अनुभव, अर्जाची शेवटची तारीख यांचा सविस्तर तपशील देण्यात आला आहे.

मुंबई उच्च न्यायालयाअंतर्गत वाहनचालक (Driver) पदाच्या एकूण ८ जागा भरण्यात येणार आहेत. यासाठी इच्छुक आणि पात्र उमेदवारांकडून ऑनलाइन पद्धतीने अर्ज मागविण्यात आले आहेत.

वाहनचालक पदासाठी अर्ज करणाऱ्या उमेदवाराकडे मान्यताप्राप्त शिक्षणसंस्थेतून दहावीपर्यंतचे शिक्षण पूर्ण असणे आवश्यक आहे. यासोबतच उमेदवाराकडे हलके मोटार वाहन चालवण्याचा परवाना (Driving License) असणे आवश्यक आहे. तसेच वाहन चालकाचा किमान तीन वर्षांचा अनुभव असावा. उमेदवारास मुंबई शहराची माहिती असावी. तो आरोग्याच्या दृष्टीने सुदृढ असावा. उमेदवाराला मराठी, हिंदी आणि इंग्रजी भाषेचे ज्ञान असणे गरजेचे आहे. त्याची वाहन चालकाची पार्श्वभूमी स्वच्छ असणे गरजेचे आहे. कोणत्याही गुन्ह्याची नोंद असलेल्या, व्यसन असलेल्या उमेदवारांचे अर्ज पदभरतीदरम्यान ग्राह्य धरले जाणार नाहीत.

पदभरतीचे नोटिफिकेशन पाहण्यासाठी येथे क्लिक करा
Government Job:’या’ सरकारी वैद्यकीय महाविद्यालयात भरती, १ लाखांपर्यंत मिळेल पगार
पदभरतीसाठी अर्ज करताना उमेदवारांनी रेझ्युमे, दहावी, बारावी आणि इंजिनिअरिंगची शैक्षणिक प्रमाणपत्रं, शाळा सोडल्याचा दाखला, जातीचा दाखला (मागासवर्गीय उमेदवारांसाठी), ओळखपत्र (आधारकार्ड, लायसन्स) आणि पासपोर्ट साईझ फोटो हे दस्तावेज सोबत जोडणे आवश्यक आहे.

राष्ट्रीय केमिकल आणि फर्टिलायझर संस्थेत भरती, ६० हजारपर्यंत मिळेल पगार
या पदासाठी आरक्षित वर्गातील उमेदवारांना पदभरती आणि वयोमर्यादेमध्ये सरकारी नियमानुसार सवलत देण्यात येणार आहे. याचा सविस्तर तपशील नोटिफिकेशनमध्ये देण्यात आला आहे. वाहनचालक पदासाठी निवड झालेल्या उमेदवाराला १९, ९०० ते ६३ हजार २०० रुपयांपर्यंत पगार मिळू शकतो.

VSI Recruitment 2022: वसंतदादा शुगर इन्स्टिट्यूटमध्ये भरती, १ लाख ८४ हजारपर्यंत मिळेल पगार
Bank Job: बँक ऑफ बडोदामध्ये पदवीधरांना नोकरीची संधी, अर्ज प्रक्रिया जाणून घ्या
उमेदवारांनी अधिकृत वेबसाइटवर आपला अर्ज ११ एप्रिलपर्यंत पाठवायचा आहे. अर्ज करण्यापुर्वी उमेदवारांनी नोटिफिकेशन काळजीपूर्वक वाचावे. अर्जामध्ये काही त्रुटी असल्यास किंवा दिलेल्या मुदतीनंतर आल्यास अर्ज बाद करण्यात येईल याची उमेदवारांनी नोंद घ्या.

पुण्यात नोकरीची मोठी संधी, येत्या दोन महिन्यांत पालिकेत ‘या’ पदांवर भरती