मुंबई: गेल्या काही दिवसांपासून मुंबईतील दैनंदिन करोना (Coronavirus) रुग्णसंख्येत घट होत असल्याने मुंबईकरांना दिलासा मिळत आहे. मात्र मुंबईत कालच्या तुलनेत आज रुग्णसंख्येत काहीशी वाढ झालेली दिसत आहे. मुंबई महानगरपालिकेने दिलेल्या माहितीनुसार, आज सोमवारी मुंबईत एकूण ४४७ नव्या नव्या कोरोनाबाधित रुग्णांची नोंद झाली आहे. तर मुंबईत आज ०१ रुग्णाचा मृत्यू झाला आहे. तसेच मुंबईत आज ७९८ करोना बाधित बरे होऊन घरी गेले आहेत. आज निदान झालेल्या एकूण ४४७ रुग्णांपैकी ६४ रुग्णांना रुग्णालयात दाखल करण्यात आले आहे. उर्वरीत रुग्णांमध्ये लक्षणे नसल्याकारणाने त्यांना घरीच विलगीकरणात ठेवण्यात आले आहे. (mumbai registered 447 new cases in a day with 798 patients recovered and 01 death today)
मुंबईतील एकूण बाधितांपैकी आतापर्यंत एकूण १० लाख २७ हजार ८९१ रुग्ण बरे झाले आहेत. या बरोबरच मुंबईतील रुग्ण बरे होण्याचा दर आहे ९८ टक्के. तर मुंबईत आज एकूण ४ हजार ७८३ रुग्ण सक्रिय आहेत. तर मुंबईत रुग्ण दुप्पट होण्याचा दर हा ८०८ दिवसांचा आहे. तर मुंबईत ०१ फेब्रुवारी ०७ फेब्रुवारी या कालावधीत रुग्णवाढ ०.०९ टक्के इतकी आहे, अशी माहिती मुंबई महापालिकेने दिली आहे.
क्लिक करा आणि वाचा- ‘अंगावर आलात तर शिंगावर घेऊ’; भाजपचं काँग्रेसला जोरदार प्रत्युत्तर
सध्या मुंबईतील २ इमारती सील करण्यात आल्या असून आज नव्याने सापडलेल्या ४४७ रुग्णांपैकी ६४ रुग्णांना रुग्णालयात दाखल करण्यात आले आहे. त्यामुळे मुंबई पालिकेकडील ३७ हजार ०१८ बेड्सपैकी केवळ १ हजार ३३६ बेडचा वापर करण्यात आला आहे.
क्लिक करा आणि वाचा- पंतप्रधान मोदींच्या वक्तव्यावर राजकारण तापणार; महाराष्ट्रात काँग्रेस उचलणार ‘हे’ पाऊल
मुंबईतील संध्याकाळी ६ वाजेपर्यंतची स्थिती
> २४ तासात बाधित रुग्ण- ४४७
> २४ तासात बरे झालेले रुग्ण- ७९८
> बरे झालेले एकूण रुग्ण- १०२७८९१
> बरे झालेल्या रुग्णांचा दर-९८%
> एकूण सक्रिय रुग्ण- ४७८३
> दुप्पटीचा दर- ८०८ दिवस
> कोविड वाढीचा दर (०१ फेब्रुवारी ते ०७ फेब्रुवारी)- ०.०९%
क्लिक करा आणि वाचा- लतादीदींच्या शिवाजी पार्कातील स्मारकाला आंबेडकरांचा विरोध; कारण…
Source: https://maharashtratimes.com/maharashtra/mumbai-news/coronavirus-laetst-update-mumbai-registered-447-new-cases-in-a-day-with-798-patients-recovered-and-01-death-today/articleshow/89434897.cms
