cold in mumbai: मुंबई गारठली; पुढील २-३ दिवस येणार कडाक्याच्या थंडीचा अनुभव – Maharashtra Times

मुंबई: गेल्या दोन दिवसांपासून मुंबईत कमालीची गारठा पडला (Cold in mumbai) असून मुंबईकर हुडहुडी भरणारी थंडी अनुभवत आहेत. मुंबईत काही दिवसांपूर्वी आलेल्या अवकाळी पावसानंतर मुंबईतील तापमानात मोठी घट झाली असून शहरात या मोसमातील सर्वात निच्चांकी तापमानाची नोंद झाली आहे. मुंबईत अनेक ठिकाणी तापमान १४ अशांवर पोहोचले आहे. तर आज सोमवारी मुंबईत १६ अंश इतक्या तापमानाची नोंद झाली आहे. (mumbai is expected to experience severe cold for two more days)

पुढील दोन दिवस मुंबईत थंडी कायम राहणार

मुंबई आलेली कडाक्याची थंडी पुढील दोन दिवस कायम राहणार असल्याचे हवामान तज्ज्ञांनी म्हटले आहे. तसेच येत्या काही दिवसांत मुंबईसह महाराष्ट्रातील अनेक जिल्ह्यांमध्ये तापमानात मोठी घट होणार असल्याचा अंदाजही व्यक्त करण्यात आला आहे. यामुळे या कडाक्याच्या थंडीच्या दिवसात लहान मुले आणि वृद्ध नागरिकांना विशेष काळजी घ्यावी लागणार असल्याचे आरोग्य क्षेत्रातील तज्ज्ञांचे म्हणणे आहे.

क्लिक करा आणि पाहा- VIDEO: धावत्या ट्रेनमध्ये चढण्याचा प्रयत्न अंगाशी; वसई रोड स्थानकातील थरारक घटना

दरम्यान, मुंबईत लोक या कडाक्याच्या थंडीचा अनुभव घेत असल्याचे पाहायला मिळत आहे. तर दररोज मरीन ड्राइव्हवर सकाळी फिरण्यासाठी, तसेच व्यायामासाठी जात असलेल्या नागरिकांचे प्रमाण कमी झालेले पाहायला मिळत आहे. या दिवसांमध्ये व्यायामासाठी बाहेर न जाता अनेक नागरिकांनी घरातच राहण्यावर भर दिला आहे.

क्लिक करा आणि वाचा- किरीट सोमय्यांची ‘सरबराई’ मंत्रालयातील अधिकाऱ्यांना पडली महागात, मुख्यमंत्र्यांकडून निलंबनाचे आदेश?

राज्यात अनेक जिल्ह्यांमध्ये तापमानात मोठी घट

राज्यातील अनेक जिल्ह्यांमध्ये तापमानात घट झालेली पाहायला मिळत आहे. नाशिक, पुणे आणि औरंगाबादसारख्या शहरांमध्ये कमाल तापमानाची नोंद करण्यात आली आहे. तसेच नंदुरबार आणि निफाडमध्ये तापमान ५ अंशांपर्यंत घसरले आहे. पश्चिमी चक्रवातामुळे पुढील दोन ते तीन दिवस मुंबई आणि राज्यातील अनेक जिल्ह्यांमधील तापमानात घट होण्याचा अंदाज व्यक्त करण्यात आला आहे.

क्लिक करा आणि वाचा- दोनवेळा अपयश, राणेंनी आता वकीलच बदलला; सुप्रीम कोर्टात ‘हा’ बडा वकील लढणार नितेश राणेंची केस