corona cases in Mumbai: करोनाने पुन्हा टेन्शन वाढवले; मुंबईत नवीन करोनाबाधितांची संख्या वाढली, पण… – Maharashtra Times

मुंबई: गेल्या दोन दिवसांपासून मुंबईत करोनाबाधितांची संख्या घटली होती. मात्र, पुन्हा करोनाने डोके वर काढले आहे. त्यामुळे टेन्शन वाढले आहे. आज, बुधवारी मुंबईत १२ हजारांहून अधिक करोनाबाधित रुग्णांची नोंद झाली आहे. काल, मंगळवारच्या तुलनेत जवळपास पाच हजार रुग्ण वाढले आहेत. (corona cases in Mumbai)

मुंबई महापालिकेच्या आरोग्य विभागाने आज, बुधवारी आकडेवारी जाहीर केली. गेल्या दोन दिवसांपासून रुग्णसंख्या घटली होती. मात्र, आज, बुधवारी रुग्णसंख्येत वाढ झाली आहे. मंगळवारच्या तुलनेत जवळपास पाच हजार रुग्ण वाढले आहेत. गेल्या २४ तासांत १६,४२० नवीन करोनाबाधित रुग्ण आढळले आहेत. त्यामुळे मुंबईतील एकूण रुग्णांचा आकडा ९,५६,२८७ वर पोहोचला आहे. मात्र, दिलासादायक बाब म्हणजे ८४ टक्के रुग्णांमध्ये कोणतीही लक्षणे नाहीत.

Covid 19 New Discharge Policy: डिस्चार्जबाबत नवे धोरण; करोना बाधित रुग्णाला सलग ३ दिवस ताप आला नाही तर…
मुंबईत करोनाचा प्रभाव कमी होतोय, आता एवढी एकच गोष्ट करा; महापौरांचं कळकळीचं आवाहन

गेल्या काही दिवसांपासून मुंबईसह महाराष्ट्रात करोना रुग्णांची संख्या वेगाने वाढत असताना, मागील दोन दिवसांपासून काहीसा रुग्णसंख्यावाढीला ‘ब्रेक’ लागला होता. मात्र, मंगळवारी (मागील २४ तासांत) करोना आणि ओमिक्रॉनच्या रुग्णसंख्येत वाढ झाली. काल राज्यात ३४ ओमिक्रॉनबाधित रुग्ण आढळले आहेत. राज्य आरोग्य विभागाने जाहीर केलेल्या आकडेवारीनुसार, राज्यात मंगळवारी ३४,४२४ नवीन करोनाबाधित रुग्णांचे निदान झाले आहे. तर २२ करोना रुग्णांचा मृत्यू झाला आहे. आज १८, ९६७ रूग्ण बरे झाले असून, त्यांना घरी सोडण्यात आले आहे. राज्यात आजपर्यंत एकूण ६६, २१, ०७० करोनाबाधित रुग्ण बरे झाले असून, त्यांना रुग्णालयातून डिस्चार्ज देण्यात आला आहे. यामुळे राज्यातील रुग्ण बरे होण्याचे प्रमाण ९४.७५ टक्के इतके झाले आहे. राज्यात मंगळवारी (गेल्या २४ तासांत) २२ करोनाबाधित रुग्णांचा मृत्यू झाला आहे. सध्या राज्यातील मृत्यूदर हा २. ०२ टक्के आहे.

>> २४ तासांत बाधित रुग्ण – १६४२०

>> २४ तासांत बरे झालेले रुग्ण – १४६४९

>> बरे झालेले एकूण रुग्ण – ८३४९६२

>> बरे झालेल्या रुग्णांचा दर – ८७ टक्के

>> एकूण सक्रिय रुग्ण – १,०२,२८२

>> दुपटीचा दर – ३६ दिवस, कोविड वाढीचा दर (५ ते ११ जानेवारी ) – १. ८५ टक्के