मुंबई : टॉवरला वायरच्या सहाय्याने गळफास घेत पोलिसाची आत्महत्या – Loksatta

-दत्तात्रय भरोदे

इलेक्ट्रिक टॉवरला वायरच्या सहाय्याने गळफास घेऊन एका मुंबई पोलिसाने आत्महत्या केल्याची घटना शहापूर तालुक्यातील अल्याणी येथे घडली. भरत खापरे (३३) असे या तरुण पोलीस शिपायाचे नाव असून किन्हवली पोलिसात याबाबत अकस्मात मृत्यूची नोंद करण्यात आली आहे.

तालुक्यातील अल्याणी येथे राहणारे भरत शशिकांत खापरे (३३) हे शिपाई  म्हणून गोराई पोलीस ठाण्यात कार्यरत होते. चार – पाच दिवसांपासून ते आजारी असल्याने घरीच होते. मात्र काल रात्री ते घरातून बाहेर गेले. यानंतर आज सकाळी स्थानिक ग्रामस्थांना अल्याणी गावापासून काही अंतरावर असलेल्या इलेक्ट्रिक टॉवरला भरत खापरे यांनी वायरच्या सहाय्याने गळफास घेतल्याचे आढळून आले. दरम्यान, मागील काही दिवसांपासून खापरे आजारी असल्याने त्याने आत्महत्या केली असावी असा प्राथमिक अंदाज वर्तवण्यात आला आहे.

First Published on May 3, 2021 9:02 pm