मेट्रो २ अ आणि ७ चे तिकीट काढण्यासाठी ‘मुंबई वन’ हे ॲप गुगल प्ले स्टोअरवर उपलब्ध आहे. हे ॲप या लोकार्पणाद्वारे अधिक सक्षम केले जाणार आहे. एकप्रकारे ॲपचेदेखील लोकार्पण मेट्रो मार्गिकेसह होणार आहे. या ॲपवर मेट्रो २ अ आणि ७ च्या अंधेरी पश्चिम ते गुंदवली (दहिसरमार्गे) दरम्यानच्या सर्व स्थानकांचे तिकीट प्रवास सुरू करण्याआधीच काढता येणार आहे. याद्वारे क्यूआर कोड तयार होतो व तो दाखवून मेट्रोमध्ये चढता येईल.
याप्रमाणेच ‘राष्ट्रीय समान वाहतूक कार्ड'(एनसीएमसी) हेदेखील मुंबईतील मेट्रो सेवेसाठी सुरू होणार आहे. हे कार्ड ‘रुपे’ अंतर्गत बँकेकडून खरेदी करता येईल. कार्ड रिचार्ज करून त्याआधारे ऑनलाइन तिकीट काढता येते. तसेच या कार्डचा उपयोग ऑफलाइन तिकीटासह विविध ठिकाणी करता येतो. मेट्रो मार्गिकांच्या लोकार्पणासह हे कार्डदेखील मुंबईकर प्रवाशांसाठी २० जानेवारीपासून उपयोगात येणार आहे.
Source: https://news.google.com/__i/rss/rd/articles/CBMimQFodHRwczovL21haGFyYXNodHJhdGltZXMuY29tL21haGFyYXNodHJhL211bWJhaS1uZXdzL211bWJhaS1vbmUtbGF1bmNoLW9mLXdpdGgtbWV0cm8tYS1zcGVjaWFsLWFwcC1mb3Itb25saW5lLXRpY2tldGluZy1vZi1tZXRyby9hcnRpY2xlc2hvdy85NzA3NDAzNy5jbXPSAZ0BaHR0cHM6Ly9tYWhhcmFzaHRyYXRpbWVzLmNvbS9tYWhhcmFzaHRyYS9tdW1iYWktbmV3cy9tdW1iYWktb25lLWxhdW5jaC1vZi13aXRoLW1ldHJvLWEtc3BlY2lhbC1hcHAtZm9yLW9ubGluZS10aWNrZXRpbmctb2YtbWV0cm8vYW1wX2FydGljbGVzaG93Lzk3MDc0MDM3LmNtcw?oc=5
