म. टा. प्रतिनिधी, मुंबईः नाताळ आणि नववर्ष सुट्टीनिमित्त सुरू करण्यात आलेल्या मुंबई-पणजी शिवशाहीने गेल्या आठवडाभरात सव्वाचार लाखांहून अधिक उत्पन्न मिळवले. २५ डिसेंबर ते २ जानेवारी या कालावधीत एसटी प्रवाशांना या शिवशाहीने दर्जेदार सेवा दिली. सध्या सुट्टींचा कालावधी संपल्याने नागरिक पुन्हा दैनंदिन कामात व्यस्त झाले आहेत. यामुळे आज, मंगळवारपासून मुंबई-पणजी शिवशाही सेवा बंद होणार आहे. एसटी महामंडळातील अधिकाऱ्यांनी ही माहिती दिली.
नववर्ष आणि नाताळ सुट्टीच्या निमित्ताने नागरिकांचा यंदाही पर्यटनासाठी कोकणात जाण्याकडे कल होता. मुंबई-कोकण रस्ते मार्गावर खासगी गाड्यांचे दर वाढलेले असल्याने एसटीची शिवशाही प्रवाशांसाठी फायदेशीर ठरली. वातानुकूलित सेवा, आरामदायी आसने यांमुळे प्रवाशांनी या सेवाला चांगला प्रतिसाद दिला.
Source: https://news.google.com/__i/rss/rd/articles/CBMihQFodHRwczovL21haGFyYXNodHJhdGltZXMuY29tL21haGFyYXNodHJhL211bWJhaS1uZXdzL211bWJhaS1wYW5hamktc2hpdnNoYWhpLWJ1cy13aWxsLWJlLWNsb3NlZC1mcm9tLXR1ZXNkYXkvYXJ0aWNsZXNob3cvOTY2OTc2NTEuY21z0gGJAWh0dHBzOi8vbWFoYXJhc2h0cmF0aW1lcy5jb20vbWFoYXJhc2h0cmEvbXVtYmFpLW5ld3MvbXVtYmFpLXBhbmFqaS1zaGl2c2hhaGktYnVzLXdpbGwtYmUtY2xvc2VkLWZyb20tdHVlc2RheS9hbXBfYXJ0aWNsZXNob3cvOTY2OTc2NTEuY21z?oc=5
