मुंबई : एक वर्ष जुन्या एका चोरीच्या प्रकरणातील आरोपी अलिबाबा आणि त्याच्या साथीदारांना पकडण्यात मुंबई पोलिसांना यश आले आहे. या मोहिमेत पोलिसांना कधी पोस्टमन तर कधी फळविक्रेत्याचे रूप धारण करावे लागले. आरोपीचे खरे नाव सलमान झुल्फिकार अन्सारी असून त्याचे नाव Truecaller अ‍ॅपमध्ये Alibaba असे लिहिले आहे. पोलिसांनी सलमानशिवाय त्याचा साथीदार हैदर अली सैफी आणि चोरीचे दागिने विकत घेणारा खुशाल यालाही अटक केली. हे सर्व यूपीचे रहिवासी असल्याचे सांगितले जात आहे. (mumbai police track down robbery accused after 11 months)
३१ डिसेंबर २०२१ रोजी दहिसर पूर्व, चुनाभट्टी येथील सचिन नगर येथील एका फ्लॅटमधून ९३३ ग्रॅम सोन्याचे दागिने आणि ४०,००० रुपयांची रोकड चोरीला गेली होती. या प्रकरणाच्या तपासादरम्यान, पोलिसांनी १७६ सीसीटीव्ही कॅमेऱ्यांचे फुटेज स्कॅन केले आणि ९७ सिमकार्डचे लोकेशन ट्रॅक केले.
क्लिक करा आणि वाचा- पाकिस्तानला नमवत इंग्लंडने कोरले टी-२० विश्वचषकावर नाव, ठाकरेंची चाणाक्ष खेळी… वाचा, मटा ऑनलाइनचे टॉप १० न्यूज बुलेटीन
नोएडात पकडला आरोपी
वरिष्ठ पोलीस अधिकारी स्मिता पाटील या प्रकरणाबाबत माहिती देताना म्हणाल्या, ‘तपासानंतरही संशयितांचा तपशील सापडू शकला नाही, तेव्हा आमच्या पथकाने घटनास्थळाच्या आजूबाजूच्या सिमकार्डचा मागोवा घेतला आणि सीसीटीव्ही फुटेज स्कॅन केले. घटनेच्या वेळी आरोपींच्या सिमकार्डचे लोकेशन तपासण्यात आले आणि आम्ही त्यांचा नोएडामध्ये शोध घेतला.’
क्लिक करा आणि वाचा- T20 World Cup: पॉवरप्लेमध्ये संथ खेळ, डेथ ओव्हरमध्ये फलंदाजी अयशस्वी… T20 वर्ल्ड कप फायनलमध्ये पाकिस्तानच्या पराभवाची ही ५ कारणे
चोरीचे दागिने जप्त
तेथे आरोपी ओळखता यावेत यासाठी पोलिसांनी फळविक्रेते व पोस्टमनच्या वेशही घेतला. यानंतर योग्य ओळख पटताच पोलिसांनी तिन्ही आरोपींना एकामागून एक पकडले. चोरीचे १८ लाख ७ हजार रुपये किमतीचे सोन्याचे दागिनेही जप्त करण्यात आले आहेत.
क्लिक करा आणि वाचा- ENG vs PAK: एका ‘पाकिस्तानी’नेच वाजवला पाकिस्तानचा बँड, बाबर चौथ्यांदा आदिल रशीदचा बळी, पाहा व्हिडिओ
Source: https://news.google.com/__i/rss/rd/articles/CBMihgFodHRwczovL21haGFyYXNodHJhdGltZXMuY29tL21haGFyYXNodHJhL211bWJhaS1uZXdzL211bWJhaS1wb2xpY2UtdHJhY2stZG93bi1yb2JiZXJ5LWFjY3VzZWQtYWZ0ZXItMTEtbW9udGhzL2FydGljbGVzaG93Lzk1NDkzNDg5LmNtc9IBAA?oc=5
