मुंबई: भारतीय सिनेसृष्टीमध्ये सध्या बॉलिवूड काहीसे मागे पडत असून इतर भाषेतील सिनेमांची चलती आहे. मराठी असो किंवा दाक्षिणात्य भाषा असो, प्रेक्षकांनी हिंदी सिनेमांपेक्षा इतर भाषातील सिनेमांना प्राधान्य दिले आहे. दाक्षिणात्य भाषांमधील चित्रपट तर परदेशातही रेकॉर्ड करत आहेत. असेच नवनवीन रेकॉर्ड करणाऱ्या दाक्षिणात्य सिनेमांच्या यादीत ‘ऋषभ शेट्टी’चा ‘कांतारा’ (Kantara Fame Rishab Shetty) येऊन बसला आहे. सुपरस्टार रजनीकांत, अल्लू अर्जुन, प्रभास या सर्वांनीच ‘कांतारा’चे तोंडभरुन कौतुक केले आहे. या सिनेमाने अभिनेता-दिग्दर्शक ऋषभ शेट्टीची लोकप्रियता एका वेगळ्या उंचीवर जाऊन पोहोचली आहे.
हे वाचा-मुंबईत एखाद्या गटारात राहतोय असे वाटते… काय बोलून गेली जुही चावला?
दरम्यान ‘कांतारा’च्या यशानंतर ऋषभने एका खास कारणासाठी मुंबई गाठली. होंबाळे फिल्म्स निर्मिती असणाऱ्या ‘कांतारा’ची कथा, व्हिज्युअल्स आणि पॉवर-पॅक्ड परफॉर्मन्स प्रेक्षकांना भावले आहेत. सोशल मीडियावर या सिनेमाच्या मेकर्सचे विशेष कौतुक होत आहे. दिवसेंदिवस या चित्रपटाला अधिक यश मिळत आहे. प्रेक्षकांचा या सिनेमाला मिळणारा प्रतिसादही कमी होत नाही आहे. या सिनेमात दिग्दर्शक, लेखक आणि चित्रपटात मुख्य भूमिका साकारणाऱ्या ऋषभ शेट्टीवर तर कौतुकाचा वर्षाव होत आहे. दरम्यान ऋषभने या यशानंतर त्याच्या टीमसह मुंबई गाठली आणि प्रसिद्ध सिद्धिविनायक मंदिरात बाप्पाचे दर्शन घेतले. यावेळी ‘कांतारा’ स्टारला पाहण्यासाठी मोठी गर्दी झाली होती.
कांतारा बॉक्स ऑफिसवर दिवसेंदिवस चमत्कार करतो आहे. कर्नाटकात १४३ कोटींच्या कलेक्शनसह कन्नड मार्केटमध्ये कांताराने मोठे यश मिळवले आहे. तर या सिनेमाच्या हिंदी व्हर्जनने ३२ कोटींहून अधिक झाले आहे. कांतारा हा कन्नड भाषेतील KGF Chapter 2 नंतर दुसरा-सर्वाधिक कमाई करणारा प्रादेशिक चित्रपट ठरला आहे. दरम्यान IMDb द्वारे नुकत्याच प्रदर्शित झालेल्या भारतातील टॉप २५० चित्रपटांच्या यादीतही ‘कांतारा’ने स्थान मिळवले आहे. या सिनेमात कला, संस्कृती आणि तंत्रज्ञान यांचा मेळ दाखवण्यात आला आहे.
हे वाचा-अस्सल कोकणातील पदार्थांच्या प्रेमात विकी कौशल; फोटो शेअर करत म्हणाला…
दरम्यान कांतारा ओटीटीवर कधी प्रदर्शित होणार यासाठी चाहते उत्सुक आहेत. सुरुवातीला असे समोर आले होते की हा सिनेमा ४ नोव्हेंबर रोजी ओटीटीवर येईल. पण निर्मात्यांनी तशी काही योजना नसल्याचे स्पष्ट केले आहे.
Source: https://news.google.com/__i/rss/rd/articles/CBMiuwFodHRwczovL21haGFyYXNodHJhdGltZXMuY29tL2VudGVydGFpbm1lbnQvZW50ZXJ0YWlubWVudC1uZXdzL2JvbGx5d29vZC1uZXdzL2thbnRhcmEtcHJvZHVjZXItZGlyZWN0b3ItcmlzaGFiLXNoZXR0eS12aXNpdGVkLXNpZGRoaXZpbmF5YWstdGVtcGxlLWluLW11bWJhaS1waG90b3MvYXJ0aWNsZXNob3cvOTUxODA5MzkuY21z0gEA?oc=5
