जुहूतील भूखंडाची किंमत गगनात, मुंबईत ३३२ कोटींचा विक्री व्यवहार – Maharashtra Times

मुंबई : मुंबईतील घरे आणि भूखंडाच्या किमती नेहमीच खरेदीदारांमध्ये चर्चेचा विषय असतो. त्यामध्येही जुहू, अंधेरी किंवा दक्षिण मुंबईसारख्या भागातील निवासी आणि अनिवासी मालमत्तांच्या किमतीची प्रसिद्ध आहेत. आता मुंबई उपनगरातील एका भूखंडाच्या विक्रमी किमतीची पुढील अनेक दिवस चर्चा सुरूच राहील. पश्चिम उपनगरातील प्राइम जुहू तारा रोड येथे असलेला १.७ एकरचा भूखंड तब्बल ३३२ कोटी रुपयांमध्ये विकला गेला आहे.

Indextap.com च्या माहितीनुसार हॉटेल सी प्रिन्सेस जवळील ६,९८८ चौरस मीटरचा भूखंड अग्रवाल होल्डिंग प्रायव्हेट लिमिटेडने विकत घेतला आहे. तर पवनकुमार शिवलिंग प्रभू असे या विक्रेत्याचे नाव आहे. वांद्रे, सांताक्रूझ, जुहू, अंधेरी येथील भूखंडांना मोठा भाव आहे. यासर्वांमध्ये जुहू आणि अंधेरी निवासी आणि अनिवासी, या दोन्ही प्रकारच्या मालमत्तांसाठी ग्राहकांच्या पसंतीचा परिसर मानला जातो.

अबब! वरळीत १५१ कोटींना दोन फ्लॅट, मुंबईच्या रियल इस्टेटमधील सर्वात मोठा व्यवहार?

दरम्यान, ७ सप्टेंबर रोजी हा व्यवहार नोंदणीकृत झाला आणि जवळपास २० कोटी रुपयांचे मुद्रांक शुल्क भरण्यात आले. दरम्यान, नवीन खरेदीदार जमिनीचा वापर कशासाठी करणार हे माहीत नाही. नवीन खरेदी केलेली मालमत्ता निवासी प्रकल्पासाठी असू शकते असा दावा मालमत्ता बाजारातील सूत्रांनी केला आहे. जुहू, एक रिअल इस्टेट हॉटस्पॉट आहे, जिथे अनेक निवासी लक्झरी मालमत्ता येत असल्याचे पाहिले जात असून विकासकांकडून या जागेल खूप मागणी मिळत आहे.

अग्रवाल होल्डिंग या कौटुंबिक मालकीच्या फर्मने जुहू येथे हा दुसरा भूखंड खरेदी केला आहे. गेल्या वर्षी अग्रवाल होल्डिंगने लेखक सिद्धार्थ धनवंत सांघवी यांचा जुहूतील बंगला सुमारे ८५ कोटी रुपयांना खरेदी केला होता. या मालमत्तेमध्ये ९,८०० चौरस फूट क्षेत्रफळात पसरलेली ग्राउंड प्लस एक मजली इमारत आहे. गेल्या जूनमध्ये के रहेजा कॉर्पने दिवंगत बॉलीवूड चित्रपट दिग्दर्शक आणि निर्माते बी आर चोप्रा यांच्या जवळील एक विस्तीर्ण बंगला विकत घेतला.

शेतजमिनीच्या विक्रीचा इन्कम टॅक्स नियम; किती कर भरायचा, पैशांची बचत कशी कराल?

विकासकाने ३,२७८ चौरस मीटर भूखंडावर असलेल्या बीआर हाऊससाठी १८२ कोटी रुपये मोजले. इतकेच नाही तर या वर्षाच्या सुरुवातीला रहेजांनी सांताक्रूझमध्ये दिवंगत श्रीपती सिंघानिया यांच्या कुटुंबाकडून २६५ कोटी रुपयांना दुसरा बंगला देखील खरेदी केला होता. पण सर्वात मोठा निवासी मालमत्ता व्यवहार एप्रिल २०२१ मध्ये नोंदवला गेला जेव्हा DMart चे संस्थापक राधाकिशन दमानी आणि त्यांचे भाऊ गोपीकिशन यांनी दक्षिण मुंबईतील नारायण दाभोलकर रोड येथे विक्रमी १,००१ कोटी रुपयांना बंगला आपल्या नावे खरेदी केला.

मालमत्ता खरेदीचा विचार करताय, मग लक्षात ठेवा महत्त्वाच्या ५ गोष्टी, पुनर्विक्रीच्या वेळी फायद्यात राहाल

मधु कुंज हा बंगला, टोनी मलबार हिलमध्ये ६०,००० चौरस फुटांहून अधिक बिल्ट-अप क्षेत्रासह १.५ एकर जमिनीवर स्थित आहे. याशिवाय २०१५ मध्ये सीरम इन्स्टिट्यूट ऑफ इंडियाचे पूनावाला, सायरस आणि मुलगा अदार यांनी ब्रीच कँडी येथील अमेरिकेच्या वाणिज्य दूतावासाची मालमत्ता, लिंकन हाऊससाठी ७५० कोटी रुपयांची बोली लावली. संरक्षण इस्टेट विभागाने हा करार थांबवल्यानंतर त्यांना मालमत्तेचा ताबा मिळण्यास अडथळे निर्माण झाले. दुसरीकडे, २०१४ मध्ये गोदरेज कुटुंबाने होमी भाभा यांचा मेहेरनगीर हा प्रतिष्ठित बंगला मलबार हिल येथे ३७२ कोटी रुपयांना विकत घेतला.