पाचव्या सामन्यासाठी मुंबई इंडियन्सने संघात केला एकमेव मोठा बदल, पाहा कोणाला मिळाली संधी – Maharashtra Times

पुणे : पंजाब किंग्सविरुद्धच्या सामन्यात मुंबई इंडियन्सने नाणेफेक जिंकली आहे. मुंबईचा कर्णधार रोहित शर्माने यावेळी नाणेफेक जिंकत प्रथम गोलंदाजी करण्याचा निर्णय घेतला आहे. त्याचबरोबर यावेळी संघात एक मोठा बदलही केला आहे.
पाचव्या सामन्यासाठी मुंबईच्या संघात आता एका दमदार खेळाडूची एंट्री झाली आहे. मुंबई इंडियन्सने या सामन्यासाठी इंग्लंडचा धडाकेबाज खेळाडू टायमल मिल्सला संघात स्थान दिले आहे. हा एकमेव मोठा बदल त्यांनी यावेळी संघात केला आहे. आतापर्यंत चारही सामन्यांमध्ये मुंबईला एकही विजय मिळवता आलेला नाही. त्यामुळे आता पाचव्या सामन्यात मुंबईचा संघ कशी कामगिरी करतो, याकडे सर्वांचे लक्ष असेल.
लिलावात मुंबईच्या संघाने बरेच खेळाडू गमावल्याचे पाहायला मिळत आहे. त्यामुळेच मेगा लिलावानंतर मुंबईचा संघ अतिशय कमकुवत दिसतोय. पंड्या बंधू, ट्रेंट बोल्ड, राहुल चहर हे खेळाडू नसल्याने मुंबईचा संघ लयीमध्ये दिसत नाही. गोलंदाजीत आक्रमकपणा दिसत नाही. जसप्रीत बुमराहच्या गोलंदाजीत पूर्वी सारखी धार दिसत नाही. पण पंजाबविरुद्ध त्याची कामगिरी धमाकेदार झाली आहे. रोहित शर्मा कर्णधार आणि फलंदाज म्हणून पहिल्या चार सामन्यात अपयशी ठरला. मुंबईला विजय मिळवायचा असेल तर रोहितला अखेर फलंदाजी करावी लागले. सूर्यकुमार यादवने सलग दोन डावात एकट्याच्या जोरावर मुंबईला तारले होते. पण सूर्य वगळता अन्य कोणताही फलंदाज धाव करताना दिसत नाही. मुंबईला तिलक वर्मा, डेवाल्ड ब्रेविस सारख्या युवा खेळाडूंकडून मोठी अशा असेल. त्यांना सातत्याने चांगली कामगिरी करता आली नाही. एका सामन्यात चांगली कामगिरी झाल्यानंतर अन्य लढतीत लवकर बाद होणे हे चांगले लक्षण नाही. आणि येथे मुंबईच्या कोचिंग स्टाफची भूमिका महत्त्वाची ठरते. मुंबईकडे सचिन तेंडुलकरसारखा महान फलंदाज आहे जो खेळाडूंना मार्गदर्शन करतोय. मुंबईच्या चाहत्यांना त्यांचा संघ कमबॅक करेल अशी आशा असेल. आरसीबीविरुद्ध मुंबईने फक्त दोन परदेशी खेळाडूंना संधी दिली होती. आज रोहित काय करतो याची उत्सुकता आहे. त्याचबरोबर रोहितचे नेतृत्व आजच्या सामन्यात कसे होते आणि तो सलामीला येऊन कशी फलंदाजी करोत, याकडे सर्वांचे लक्ष असेल. त्यामुळे मुंबईचा संघ आजच्या पाचव्या सामन्यात तरी विजय मिळवणार की नाही, याची उत्सुकता क्रिकेट विश्वाला असेल.