मिळालेल्या माहितीनुसार, १३ वर्षीय मुलीवर बलात्कार केल्याप्रकरणी २५ वर्षीय तरुणाला मुंबईतील अँटॉप हिल पोलिसांनी गुरुवारी अटक केली. मुलीच्या पोटात दुखू लागल्यानंतर तिने आपल्या पालकांना ही बाब सांगितली. त्यानंतर ही घटना उघडकीस आली. ती मुलगी पाच महिन्यांची गरोदर असल्याची माहिती पोलिसांनी दिली.
shiv sena vs bjp: ‘… म्हणून भाजप तपास यंत्रणांचा दुरुपयोग करतोय’; शिवसेना खासदाराचा हल्लाबोल
मुलीने पोटात दुखत असल्याचे सांगितल्यानंतर पालकांनी तिला तात्काळ रुग्णालयात नेले. वैद्यकीय तपासणी केल्यानंतर ती गरोदर असल्याचे डॉक्टरांनी सांगितले, अशीही माहिती पोलिसांनी दिली. आरोपी तरूण हा पीडितेच्या घराशेजारी राहतो. तो पत्नी आणि दोन मुलांना घेऊन पसार झाला. संशयित आरोपीची माहिती मिळाल्यानंतर, त्याला अटक केली. त्याला शुक्रवारी कोर्टात हजर करण्यात येणार आहे, अशी माहिती पोलीस सूत्रांनी दिली. या प्रकरणी आरोपीविरोधात बलात्कार आणि पॉक्सोअंतर्गत गुन्हा दाखल करण्यात आला आहे.
Mumbai COVID 19 Cases Updates : मुंबई करोनामुक्तीकडे; गेल्या २४ तासांत शून्य मृत्यूची नोंद
Source: https://maharashtratimes.com/maharashtra/mumbai-news/mumbai-crime-13-year-old-girl-raped-by-neighbour/articleshow/90426558.cms
