मुंबई बातम्या

Mumbai : वसुली प्रकरणात ३ बड्या पोलीस अधिकाऱ्यांवर गुन्हा; दोघे अटकेत, मुंबई पोलीस दलात खळबळ – Maharashtra Times

म. टा. खास प्रतिनिधी, मुंबई : आयकर विभागाची धमकी देऊन अंगडियांना त्यांच्या व्यवसायात अडचणी आणत, पैसे वसुली करणाऱ्या लोकमान्य टिळक मार्ग पोलीस ठाण्यात तीन अधिकाऱ्यांविरूद्ध त्याच पोलीस ठाण्यात गुन्हा दाखल करण्यात आला आहे. पोलीस निरिक्षक ओम वंगाटे, सहायक निरिक्षक नितीन कदम, उपनिरीक्षक समाधान जमदाडे यांच्यासह त्यांच्या पथकातील पोलिसांचा आरोपींमध्ये समावेश आहे. या प्रकरणात गुन्हेगारी गुप्तवार्ता पथक (सीआययू) ने कदम आणि जमदाडे यांना अटक केली असून, न्यायालयाने दोघांना २१ फेब्रुवारीपर्यंत पोलीस कोठडी सुनावली आहे.

अंगडियांचे व्यवहार हे रोखीने चालत असून मुंबादेवी परिसरात त्यांची अनेक कार्यालये आहेत. लोकमान्य टिळक मार्ग पोलीस ठाण्यातील काही अधिकारी व्यवसाय करू देत नसून चौकशीच्या नावाखाली त्रास देतात. तसेच रोखीच्या व्यवहाराची माहिती आयकर विभागाला देण्याची धमकी देऊन पैसे उकळत असल्याची तक्रार मुंबादेवी येथील अंगडिया असोशिएशन यांच्या मार्फत पोलिसांकडे करण्यात आली होती.

मनसेचा स्टेज कोसळला; राज ठाकरे स्टेजवर असतानाच घडला प्रकार

Pravin Darekar: प्रवीण दरेकर यांच्या गाडीला मुंबईत अपघात; बाईकस्वारामुळे घातपाताचा संशय

या तक्रारीची चौकशी करण्याचे आदेश पोलीस आयुक्त हेमंत नगराळे यांनी दिले होते. अतिरिक्त पोलिस आयुक्त दिलीप सावंत यांनी याबाबत अंगडिया तसेच निरिक्षक ओम वंगाटे, सहायक निरिक्षक नितीन कदम, उपनिरीक्षक समाधान जमदाडे यांच्यासह त्यांच्या पथकातील इतर पोलिसांची कसून चौकशी केली. मुंबादेवीच्या पोफळवाडी तसेच आजूबाजूच्या परिसरातील सीसीटीव्ही, पोलीस डायरीमधील नोंदी, पोलिसांचे जबाब यावरून या अधिकाऱ्यांनी बेकायदा वसुली केल्याचे दिसून आले. त्यावरून दिलीप सावंत यांच्या तक्रारीवरून हे अधिकारी कार्यरत असलेल्याच पोलीस ठाण्यात त्यांच्याविरोधात गुन्हा दाखल करण्यात आला आहे. या प्रकरणी कदम आणि जमदाडे यांना अटक केली आहे. त्यांना न्यायालयात हजर करण्यात आले. त्या दोघांनाही न्यायालयाने २१ फेब्रुवारीपर्यंत पोलीस कोठडी सुनावली आहे.

imageShivsena – Narayan Rane: शिवसेना-राणे वाद पुन्हा चिघळणार; सिंधुदुर्गातील ‘त्या’ ७ खुनांची फाइल पुन्हा उघडली जाणार?

Source: https://maharashtratimes.com/maharashtra/mumbai-news/mumbai-three-police-booked-for-extorting-money-from-angadias-two-of-them-arrested/articleshow/89686334.cms