मुंबईत पबच्या महिला मॅनेजरचा विनयभंग; पोलिसांकडून दोघांवर गुन्हा दाखल – Maharashtra Times

मुंबई: मुंबई उपनगरातील पबमध्ये काम करणाऱ्या महिला व्यवस्थापकाचा विनयभंग केल्याच्या प्रकरणात खार पोलिसांनी दोन व्यक्तींना अटक केली आहे. काही दिवसांपूर्वी हे दोघेजण संबंधित पबमध्ये गेले होते. तेव्हा हे दोघेजण मला बराचवेळ माझ्याकडे रोखून बघत होते. तसेच या दोघांनी माझ्याविषयी आक्षेपार्ह शेरेबाजी केल्याचे संबंधित महिला व्यवस्थापकाने आपल्या तक्रारीत म्हटले आहे. यानंतर पोलिसांनी या दोघाजणांविरोधात कलम ३५४ अंतर्गत गुन्हा दाखल केला.
कल्याणमध्ये पुन्हा धक्कादायक प्रकार; वडील आणि भावानेच केला सोळा वर्षीय मुलीवर अत्याचार
महिलेने तक्रारीत म्हटल्याप्रमाणे, २२ जानेवारीपासून हा प्रकार सुरु झाला. सुरुवातीला दोघांपैकी एक पुरुष पबमध्ये आला होता. तो सतत माझ्याकडे रोखून बघत होता, तसेच मी जाईल तिथे माझा पाठलाग करत असल्याचे महिलेने म्हटले. स्वच्छतागृहातही तो माझ्या पाठोपाठ आला. काहीवेळानंतर या पुरुषाने माझा मोबाईल क्रमांक मागितला, तसेच मला त्याच्यासोबत पार्टी करण्याची गळ घातली. परंतु, मी त्याला नकार दिल्याचे महिलेने सांगितले. यानंतर २७ जानेवारी आणि २८ जानेवारीला हा पुरुष पुन्हा पबमध्ये आला. तेव्हा त्याच्यासोबत एक मित्र होता. हे दोघेही माझ्याकडे रोखून पाहत होते. माझ्याविषयी आक्षेपार्ह शेरेबाजी करत होते. एवढेच नव्हे तर मला पाहून शिट्टी मारत होते, असे महिलेने म्हटले.
Riya Jain Murder क्रूरतेचा कळस: प्रेमविवाहानंतर हुंड्यासाठी पत्नीची हत्या; शीर धडावेगळं केलं आणि…
या सगळ्याला कंटाळून संबंधित महिलेने खार पोलीस ठाण्यात तक्रार दाखल केली. त्यानंतर पोलिसांनी गणेश बिष्ट (वय ३९) आणि हरिश कनवार (वय २५) या दोघांना ताब्यात घेतले. यापैकी गणेश बिष्ट शेजारच्याच एका रेस्टॉरंटमध्ये शेफ आहे. पोलिसांनी सध्या या दोघांना जामिनावर सोडले आहे.