Mumbai fire : मुंबईत पुन्हा आग; गॅस गळतीनंतर लागलेल्या आगीत तीन जण होरपळले – Maharashtra Times

मुंबई: मुंबईतील २० मजली इमारतीला लागलेल्या आगीत ८ जणांचा मृत्यू झालेला असतानाच, बुधवारी रात्री अंधेरी पूर्वेकडील काजूपाडा परिसरात सिलिंडरमधून गॅस गळती होऊन लागलेल्या आगीत तीन जण होरपळले आहेत. यातील एकाची प्रकृती गंभीर असल्याची माहिती मिळाली आहे.

मिळालेल्या माहितीनुसार, मुंबईतील अंधेरी पूर्वेकडील काजूपाडा परिसरातील एका सोसायटीतील घरात आग लागली. घरगुती गॅस सिलिंडरमधून गळती झाल्याने ही आग लागली. या आगीत तीन जण होरपळले आहेत. बुधवारी रात्री ८.०८ वाजता लागलेली आग साधारण पावणे नऊ वाजताच्या सुमारास नियंत्रणात आणण्यात आली, अशी माहिती देण्यात आली. या आगीत तीन जण जखमी झाले आहेत. या तिघांनाही सुरुवातीला राजावाडी रुग्णालयात दाखल करण्यात आले होते. एकाची प्रकृती चिंताजनक असल्याने त्याला पुढील उपचारासाठी सायन रुग्णालयात दाखल करण्यात आले.

rashmi thackeray: मुख्यमंत्र्यांच्या पत्नी रश्मी ठाकरेंकडून राष्ट्रध्वजाचा अवमान?, अ‍ॅड पाटील यांची पोलिस आयुक्तांकडे तक्रार
‘ते’ ७ जण ७ कोटी रुपये किंमतीच्या २ हजाराच्या बनावट नोटा घेऊन जात होते; पोलिसांनी सापळा रचून पकडले

गॅस गळतीमुळे घरात आग लागली. या आगीत हकिम मुल्ला खान (वय ५०), सोहेल खान (वय २४) आणि सलीम अन्सारी (वय ३८) हे जखमी झाले आहेत. या तिघांनाही राजावाडी रुग्णालयात दाखल करण्यात आले. या आगीत दोघे जण १० ते १५ टक्के भाजले असल्याची माहिती देण्यात आली. तर सलीम अन्सारी हा तरूण ८५ टक्के भाजला आहे. त्याला पुढील उपचारासाठी राजावाडीतून सायन रुग्णालयात हलवण्यात आले आहे. त्याची प्रकृती चिंताजनक असल्याची माहिती देण्यात आली.

Kirit Somaiya: अजित पवारांचा मुलगा किरीट सोमय्यांच्या रडारवर, म्हणाले…
मुंबई: वांद्रे येथे ५ मजली इमारत कोसळली; ६ जणांची सुटका, उपचार सुरू

ताडदेव आग दुर्घटनेतील मृतांचा आकडा ८ वर

मुंबईतील ताडदेव येथील २० मजली इमारतीत १९ व्या मजल्यावर लागलेल्या आगीतील मृतांचा आकडा आठवर पोहोचला आहे. माधुरी चोपडेकर या ३५ वर्षीय महिलेचा मृत्यू झाला आहे. कस्तुरबा रुग्णालय प्रशासनाने ही माहिती दिली. तर पाच जणांची प्रकृती अद्याप चिंताजनक असून, इतर पाच जणांची प्रकृती स्थिर आहे, असे सांगण्यात आले.