omicron update: चिंता वाढली! राज्यात ओमिक्रॉनची रुग्णसंख्या वाढली; मुंबईत सर्वाधिक नवे रुग्ण – Maharashtra Times

मुंबई: राज्यात काल ओमिक्रॉनचा (Omicron) एकही रुग्ण आढलेला नसला तरी आज मात्र राज्याची चिंता वाढली आहे. आज राष्ट्रीय विषाणू विज्ञान संस्थेने दिलेल्या माहितीनुसार राज्यात एकूण ११ ओमिक्रॉन रुग्णांचे निदान झाले आहे. यांपैकी मुंबईत ८ रुग्ण आढळले असून पिंपरी चिंचवड, उस्मानाबाद आणि नवी मुंबई येथे प्रत्येकी १ रुग्ण आढळला आहे. या बरोबच आज राज्यात एकूण ६५ जणांना ओमिक्रॉनची लागण झाल्याचे स्पष्ट झाले आहे. एकूण ६५ रुग्णांपैकी आरटीपीसीआर चाचणी निगेटिव्ह आलेल्या एकूण ३४ रुग्ण बरे झाले आहेत.

८ ओमिक्रॉन रुग्ण आढळले मुंबईत

मुंबई विमानतळावर करण्यात आलेल्या तपासणीत एकूण ८ जणांना ओमिक्रॉनची लागण झाल्याचे स्पष्ट झाले आहे. या ८ रुग्णांपैकी केरळ, गुजरात आणि ठाण्यातील प्रत्येकी १ रुग्ण आहे, तर इतर ८ रुग्ण मुंबईतील आहेत. या रुग्णांमध्ये दोन रुग्ण १८ वर्षांखालील आहेत.

क्लिक करा आणि वाचा- विधिमंडळाचे हिवाळी अधिवेशन नागपूरऐवजी मुंबईत का?; उपमुख्यमंत्र्यांनी सांगितले कारण

या रुग्णांपैकी दोघे युगांडातून दुबईमार्गे मुंबईत आले, तर चौघे इंग्लंडमधून आणि दोघे दुबईतून आले आहेत. १८ वर्षांखालील दोन रुग्ण वगळता इतर ९ रुग्णांचे लसीकरण पूर्ण झालेले आहे. या ११ रुग्णांपैकी काहींना कोणतीही लक्षणे नाहीत, तर काहींना अतिशय सौम्य अशी लक्षणे दिसत आहेत.

उस्मानाबादमधील ओमिक्रॉनची लागण झालेल्या एका रुग्णाची १३ वर्षीय मुलीलाही ओमिक्रॉनची लागण झाल्याचे स्पष्ट झाले आहे. तिला कोणतीही लक्षणे आढळलेली नाहीत. तसेच नवी मुंबईतील केनिया येथून हैदराबादमार्गे आलेल्या १९ वर्षीय तरुणालाही आज ओमिक्रॉनची लागण झाल्याचे स्पष्ट झाले आहे. या रुग्णाचे लसीकरण पूर्ण झाले असून त्यालाही कोणतीही लक्षणे दिसत नाहीत.

क्लिक करा आणि वाचा- छत्रपती शिवरायांचा अवमान: आदित्य ठाकरे कर्नाटकच्या मुख्यमंत्र्यांना थेट म्हणाले…

राज्याातील ओमिक्रॉन रुग्ण

> मुंबई- ३०
> पिंपरी चिंचवड- १२
> पुणे ग्रामीण- ७
> पुणे महानगरपालिका क्षेत्र- ३
> सातारा- ३
> कल्याण डोंबिवली- २
> उस्मानाबाद- ३
> बुलडाणा- १
> नागपूर- १
> लातूर- १
> वसई विरार- १

क्लिक करा आणि वाचा- मध्य प्रदेशातील OBC आरक्षणासाठी केंद्र तत्पर, महाराष्ट्राबाबत मात्र…; अशोक चव्हाण कडाडले