मुंबई बातम्या

Weather Alert : मुंबई, पुण्यात पावसाला सुरुवात; राज्यात ‘या’ जिल्ह्यांना यलो अलर्ट – Maharashtra Times

मुंबई : मुंबई, पुण्यासह राज्यातील अनेक शहरांत आज मुसळधार पावसाला सुरुवात झाली आहे. हवामान विभागाने बुधवारी पावसाचा यलो अलर्ट जारी केला आहे. यंदा नोव्हेंबर महिन्यात झालेल्या पावसाची गेल्या दहा वर्षांत दुसऱ्यांदा नोंद झाली आहे. यावर्षी नोव्हेंबर महिन्यात सुमारे ३०.१ मिमी पावसाची नोंद झाली आहे. इतकंच नाहीतर २०१९मध्ये नोव्हेंबर महिन्यात सर्वाधिक १०९.३ मिमी पावसाची नोंद झाली असून इतर वर्षांत हा आकडा ५ मिमीपेक्षा कमी होता. (Weather Alert Rains begin in Mumbai Pune Yellow alert to maharashtra districts )

हवामान खात्याच्या म्हणण्यानुसार, राज्यात मध्यम स्वरूपाचा पाऊस झाला. इतकंच नाहीतर अवकाळी पावसाची ही प्रक्रिया सुरूच राहणार आहे. सध्या मुंबई, ठाणे आणि पालघरमध्ये आज यलो अलर्ट जारी करण्यात आला आहे. मात्र, या आठवड्यातही असाच पाऊस पडण्याची शक्यता वर्तवण्यात आली आहे.

सोयाबीन विकून मिळालेले १ लाख चोरीला, घरी जाताना शेतकऱ्यासोबत घडला भयंकर प्रकार
चक्रीवादळामुळे पाऊस

हवामान खात्याच्या शास्त्रज्ञ शुभांगी भुते यांनी दिलेल्या माहितीनुसार, दक्षिणपूर्व अरबी समुद्र आणि मालदीव, लक्षद्वीपच्या परिसरात चक्रीवादळामुळे पाऊस पडत आहे. त्यामुळे पूर्व-मध्य अरबी समुद्रातही कमी दाबाचे क्षेत्र तयार झाले आहे. अशा स्थितीत पुढील २४ तास महाराष्ट्रातील सागरी भागात पावसाची शक्यता आहे. कोकणातही पावसाची शक्यता आहे.

मच्छिमारांना इशारा

पावसाच्या शक्यतेमुळे मच्छीमारांनी पुढील ५ दिवस महाराष्ट्र आणि गोव्याच्या समुद्रात मासेमारीला जाऊ नये, असा सल्लाही हवामान खात्याने दिला आहे. याशिवाय समुद्रात ताशी पाच ४० ते ५० किलोमीटर वेगाने वारे वाहू शकतात. या कारणास्तव हा इशारा देण्यात आला आहे. (Weather Alert Rains begin in Mumbai Pune Yellow alert to maharashtra districts )

imageओमिक्रॉनवर कोविशील्ड लस प्रभावी की द्यावा लागेल बूस्टर डोस? वाचा सविस्तर
(Weather Alert Rains begin in Mumbai Pune Yellow alert to maharashtra districts )

Source: https://maharashtratimes.com/maharashtra/mumbai-news/weather-alert-rains-begin-in-mumbai-pune-yellow-alert-to-maharashtra-districts/articleshow/88021391.cms