मुंबई बातम्या

मुंबई एअरपोर्टवर आढळली पेट्रोलनं भरलेली बाटली; पोलिसांनी दिली महत्त्वाची माहिती – Maharashtra Times

हायलाइट्स:

  • मुंबई एअरपोर्टजवळ आढळली पेट्रोलनं भरलेली बाटली
  • पोलिसांकडून चौकशी सुरू
  • अज्ञात व्यक्तींविरोधात गुन्हा दाखल

मुंबईः बुधवारी सायंकाळी वाकोल्यातील गावदेवी झोपडपट्टीपासून मुंबई विमानतळाच्या (Mumbai Airport)धावपट्टी लगत पेट्रोलनं भरलेली बाटली फेकण्यात आल्याचं समोर आलं आहे. लक्ष वेधून करण्यासाठी कोणीतही हा खोडसाळपणा केल्याचा, प्राथमिक अंदाज व्यक्त करण्यात आला आहे.

बुधवारी रात्री ९च्या सुमारास ही घटना घडली होती. विमानतळावरील सुरक्षा रक्षकांच्या गावदेवी झोपडपट्टटीजवळ लक्षात येताच त्यांनी तातडीने अधिकाऱ्यांना ही माहिती दिली. त्यानंतर मुंबई विमानतळावरील सुरक्षा कर्मचारी धावपट्टीच्या दिशेने धावले. यानंतर बॉम्बशोधक पथकाने पेट्रोलने भरलेली बाटली जप्त केली. या घटनेमुळं मोठा अपघात टळला असता तरी हे कृत्य कोणी केलं याबाबत पोलिस कसून चौकशी करत आहेत. तसंच, यामध्ये कोणताही घातपात करण्याचा हेतू नसल्याच मुंबई पोलिसांनी म्हटलं आहे.

वाचाःकाळजी घ्या! महाराष्ट्रात डेल्टा प्लस विषाणूचे तीन बळी

विमानतळ सरंक्षण भिंतीला लागून असलेल्या झोपडपट्ट्यांमधून ही बाटली फेकण्यात आली असावी, असा संशय पोलिसांनी व्यक्त केला आहे. त्यानुसार पोलिस तपास करत आहेत. तसंच, या सरंक्षण भिंतीला लागूनच काही गॅरेज आहेत. त्यामुळं कोणीतरी गाडीत पेट्रोल भरुन झाल्यानंतर बाटली तिथेच फेकून दिली असवी. या बाटलीत ५० मिली पेट्रोल होतं, असंही पोलिसांनी सांगितलं आहे.

वाचाःतेजस ठाकरे युवासेनेचे अध्यक्ष?; शिवसेना नेत्यानं दिलं थेट उत्तर

दरम्यान, विमानतळाची सुरक्षाव्यवस्था सीआयएफएसकडे सोपवण्यात आली आहे. या घटनेची सीआयएफएसनं गंभीर दखल घेतली असून मुंबई पोलिसांनी अज्ञातांविरोधात ३३६ अन्वये गुन्हा दाखल केला आहे.

वाचाःराज ठाकरेंकडून जातीय राजकारणाचा आरोप; राष्ट्रवादीचं सडेतोड उत्तर

Source: https://maharashtratimes.com/maharashtra/mumbai-news/mumbai-small-plastic-bottle-with-petrol-hurled-into-mumbai-airport-from-nearby-slums/articleshow/85299234.cms