नवी दिल्ली : यावर्षी आयपीएलच्या उर्वरीत सामन्यांना १९ सप्टेंबरला सुरुवात होणार आहे. यावेळी मुंबई इंडयन्सच्या सामन्याने आयपीएलची यावेळी सुरुवात होणार आहे. पहिल्याच सामन्यात मुंबई इंडियन्सपुढे यावेळी चेन्नई सुपर किंग्सचे आव्हान असणार आहे. त्याचबरोबर स्पर्धेची अंतिम फेरी नेमकी कधी होणार आहे, याबाबतची माहितीही पुढे आली आहे.
यावेळी आयपीएलमधील पहिला क्वालिफायरचा सामना १० ऑक्टोबरला खेळवण्यात येणार आहे. त्यानंतर ११ ऑक्टोबरला लगेच एलिमिनेटरचा सामना होणार आहे. त्यानंतर १३ ऑक्टोबरला क्वालिफायर-२ हा सामना होणार आहे. आयपीएलचा अंतिम सामना यावेळी १५ ऑक्टोबरला खेळवण्यात येणार असल्याचे टाइम्स ऑफ इंडियाने स्पष्ट केले आहे. यापूर्वी भारतामध्ये आयपीएलचे आयोजन करणय्ता आले होते. पण त्यावेळी करोनाचा शिरकाव आयपीएलमध्ये झाला आणि ही स्पर्धा काही काळासाठी स्थगित करण्यात आली होती. बीसीसीआयसाठी हा एक मोठा धक्का होता. पण बीसीसीआय या धक्क्यातून बाहेर पडली आणि त्यांनी आयपीएल पुन्हा एकदा संयुक्त अरब अमिरातीमध्ये खेळवण्याचा निर्णय घेतला. आता १९ सप्टेंबरला आयपीएलचे उर्वरीत सामन्यांना सुरुवात होणार आहे.
गेल्यावर्षी आयपीएलचे यशस्वी आयोजन युएईमध्येच करण्यात आल होते. त्यामुळे आता भारतामध्ये आयपीएल होऊ शकणार नसल्याने यावर्षी आयपीएलचे उर्वरीत सामने हे युएईमध्ये खेळवण्यात येणार आहे. आयपीएल यावेळी १९ सप्टेंबरला सुरु होणार आहे. त्यानंतर आयपीएलच्या क्वालिफायर आणि एलिमिनेटर यांची तारीखही घोषित करण्यात आली आहे. त्याचबरोबर आयपीएलची फायनल यावेळी १५ ऑक्टोबरला रंगणार असल्याचे स्पष्ट झाले आहे. त्यामुळे आता ही आयपीएल कशी रंगते, याकडे सर्वांचे लक्ष लागलेले असेल.
ही आयपीएल सर्व खेळाडूंसाठी महत्वाची असेल. कारण या आयपीएलनंतर ट्वेन्टी-२० विश्वचषक खेळवण्यात येणार आहे. त्यामुळे खेळाडूंना या आयपीएलमध्ये विश्वचषकाची चांगलीच तयारी करता येईल. त्याचबरोबर आयपीएमलध्ये कोणते खेळाडू चांगली कामगिरी करतात, याकडे सर्वांचे लक्ष असेल. कारण आयपीएलच्या कामगिरीवरून देशाचे संघही निवडण्यात येऊ शकतात. त्यामुळे यावर्षीच्या आयपीएलला सर्वात जास्त महत्व असेल.
Source: https://maharashtratimes.com/sports/cricket/iplt20/news/ipl-2021-mumbai-indians-to-face-chennai-super-kings-on-september-19-in-ipl/articleshow/84730377.cms
