मुंबई बातम्या

corona in mumbai: आज मुंबईत करोना रुग्णांनी १० हजारांचा टप्पा ओलांडला, ३१ मृत्यू – Maharashtra Times

हायलाइट्स:

  • आज दिवसभरात मुंबईत १० हजार ३० नव्या रुग्णांचे निदान झाले आहे.
  • आज दिवसभरात मुंबईतील एकण ७ हजार १९ रुग्ण बरे होऊन घरी गेले आहेत.
  • तसेच आज दिवसभरात एकूण ३१ करोना बाधितांचा मृत्यू झाला आहे.

मुंबई: राज्याप्रमाणेच मुंबईत देखील करोना बाधित रुग्णांची संख्या दिवसेंदिवस झपाट्याने वाढते आहे. मुंबई महापालिका प्रशासनाने करोनावर नियंत्रण मिळवण्यासाठी कंबर कसली आहे. असे असले तरी देखील रुग्णनाढ झपाट्याने वाढताना दिसत आहे. मुंबईतील करोना बाधित रुग्णांच्या संख्येने गेल्या २४ तासांमध्ये १० हजारांचा आकडा ओलांडला आहे. आज दिवसभरात मुंबईत १० हजार ३० नव्या रुग्णांचे निदान झाले आहे. तसेच आज दिवसभरात एकूण ३१ करोना बाधितांचा मृत्यू झाला आहे. (today mumbai registered 10030 new caes and 7019 recovered and 31 people died in a single day)

या बरोबरच आज दिवसभरात मुंबईतील एकण ७ हजार १९ रुग्ण बरे होऊन घरी गेले आहेत. आतापर्यंत बरे झालेल्या रुग्णांची संख्या ३ लाख ८२ हजार ४ इतकी झाली आहे. या बरोबरच बरे होणाऱ्या रुग्णांचा दर ८१ टक्के इतका झाला आहे.

मुंबईत एकूण ७७ हजार ४९५ रुग्णांवर उपचार सुरू

मुंबईतील सक्रिय रुग्णांची, अर्थात ज्या रुग्णांवर उपचार सुरू आहेत अशा रुग्णांची संख्या ७७ हजार ४९५ इतकी आहे.

क्लिक करा आणि वाचा- शिक्षणक्षेत्रातील वंचितांचा आधार हरपला; फातेमा झकेरिया यांचे निधन

मुंबईत रुग्णदुपटीचा दर ३८ दिवसांवर

मुंबईत आज मृत्यू पावलेल्या ३१ करोना बाधित रुग्णांपैकी १९ जणांना दीर्घकालीन आजार असल्याचे स्पष्ट झाले आहे. आजच्या मृतांमध्ये २० पुरुषांचा, तर ११ महिलांचा समावेश आहे. विशेष म्हणजे मुंबईतील करोना बाधित रुग्ण दुप्पट होण्याचा कालावधी हा ३८ दिवसांवर आला आहे. बरे झालेल्या रुग्णांचा दर हा ८१ टक्के इतका आहे. ३० मार्च ते ५ एप्रिल या आठवड्याच्या कालावधीत रुग्णवाढीचा दर १.७९ टक्के इतका आहे.

क्लिक करा आणि वाचा- वीज ग्राहकांनी स्वत: मीटर रिंडींग पाठवून बिल भरावे; ऊर्जामंत्री डॉ नितीन राऊत यांचे आवाहन
क्लिक करा आणि वाचा- करोना: संपूर्ण लॉकडाउनबाबत मंत्री अस्लम शेख यांचे मोठे वक्तव्य

Source: https://maharashtratimes.com/maharashtra/mumbai-news/mumbai-coronavirus-latest-update-today-mumbai-registered-10030-new-caes-and-7019-recovered-and-31-people-died-in-a-single-day/articleshow/81936118.cms