म. टा. खास प्रतिनिधी, मुंबई केबल व्यवसायाच्या वादातून मानखुर्दच्या मोहिते पाटील नगरमध्ये गुरुवारी पहाटे तिघांनी केबल व्यवसायिकावर गोळीबार केला. सुदैवाने हा हल्ल्यातून केबल व्यावसायिक बचावला. याप्रकरणी मानखुर्द पोलिस ठाण्यात गुन्हा दाखल करण्यात आला असून, सीसीटीव्ही फुटेज तसेच इतर माहितीवरून पोलिसांनी तिन्ही हल्लेखोरांना अटक केली.
मानखुर्द परिसरात राहणारे राजेश ठाकूर यांचा तसेच या गुन्ह्यातील संशयितांचा केबल टीव्हीचा व्यवसाय आहे. ग्राहक मिळविण्यावरून त्यांच्यामध्ये काही दिवसांपासून वाद सुरू होते. राजेश ठाकूर बुधवारी मध्यरात्रीनंतर दोनच्या सुमारास येथील डी वार्ड परिसरात असताना विवेक यादव, आकाश यादव आणि योगेश हलवाई या तिघांनी त्यांच्यावर बंदुकीतून दोन गोळ्या झाडल्या. मात्र ठाकूर यांना यापैकी एकही गोळी लागली नाही.
गोळीबाराचा आवाज झाल्याने या परिसरात घबराट पसरली. ठाकूर यांनी याबाबत पोलिसांना कळविताच मानखुर्द पोलिसांचे पथक घटनस्थळी पोहोचले. राजेश ठाकूर यांच्या तक्रारीवरून पोलिसांनी गुन्हा दाखल केला. त्यांनी दिलेली माहिती तसेच सीसीटीव्ही फूटेजचा मग घेत पोलिसांनी तिघांना अटक केली. काही दिवसांपूर्वी या परिसरात घडलेल्या एका हत्येच्या संदर्भातील सीसीटीव्ही फुटेज राजेश ठाकूर यांनी पोलिसांना दिले होते. त्याचा राग विवेक, आकाश आणि योगेश यांच्या मनात होता. त्यात केबल व्यवसायाचे कारण यातून धडा शिकविण्यासाठी त्यांनी गोळीबार केला.
तब्बल ३० किलो चांदी, २७ तोळे सोनं आणि ६ अट्टल चोर….
रेखा जरे हत्या प्रकरणात मोठा खुलासा; पत्रकारानेच सुपारी देऊन घडवून आणली हत्या
पुणे: अल्पवयीन मुलीवर बलात्कार केल्याप्रकरणी आरोपींना २० वर्षे तुरुंगवास
Source: https://maharashtratimes.com/maharashtra/mumbai-news/mumbai-local-cable-operator-gets-shot-at-in-mankhurd-area/articleshow/79560255.cms
