करोना विषाणूच्या प्रादुर्भावामुळे सध्या राज्यातील आरोग्य यंत्रणेवर कामाचा तणाव आहे. मुंबई महापालिकेच्या अखत्यारीत येणाऱ्या रुग्णालयातही डॉक्टर, नर्स आणि वॉर्डबॉय यांना रात्रंदिवस काम करावं लागत आहे. याचसाठी मुंबई महापालिका प्रशासनाने ११४ परिचर कक्ष म्हणजेच वॉर्ड बॉयची भरती करण्याचा निर्णय घेतला आहे. या जागांसाठीची जाहीरात प्रसिद्ध करण्यात आलेली असून…१७ एप्रिल २०२० पूर्वी पोस्ट किंवा ईमेल आयडीवर अर्ज पाठवण्याचं आवाहन महापालिकेतर्फे करण्यात आलं आहे.
या पदासाठी शैक्षणिक पात्रता दहावी पास असून १८ ते ५७ हजार इतका पगारही मिळणार आहे. इच्छुक उमेदवारांनी महापालिकेच्या http://portal.mcgm.gov.in या संकेतस्थळावरुन अर्जाचा नमुना डाऊनलोड करायचा आहे. सर्व नियम आणि अटी वाचल्यानंतर अर्ज भरुन आवश्यक कागदपत्रांच्या प्रती PDF Format मध्ये अर्जासह [email protected] या ईमेल आयडीवर पाठवायच्या आहेत. ज्या उमेदवारंना ईमेल करणं शक्य नसल्यास पोस्टाने किंवा महापालिकेच्या मुख्यालयातील गेट क्रमांक ७ या ठिकाणी ठेवण्यात आलेल्या बॉक्समध्ये १७ एप्रिल संध्याकाळी ६ वाजेपर्यंत पाठवण्याचं आवाहन पालिकेने केलं आहे.
उमेदवारांनी लक्षात ठेवायच्या महत्वाच्या गोष्टी –
- शैक्षणिक पात्रता – दहावी पास
- वेतन – १८ ते ५७ हजार
- येथे पाठवा अर्ज – [email protected]
- अर्ज पाठवण्याची शेवटची तारीख – १७ एप्रिल २०२०
लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
First Published on April 12, 2020 9:58 am
Source: https://www.loksatta.com/mumbai-news/recruitment-for-ward-boy-post-in-mumbai-municipal-corporation-hospital-know-details-here-psd-91-2129952/
