आयआयटी बॉम्बे : जेल नाकात लावल्याने कोरोनाला शरीरात प्रवेशबंद – AIN NEWS

मुंबई : सायन्स आणि टेक्नॉलॉजी विभाग यांच्या माध्यमातून विज्ञान संस्था आणि इंजिनिअरिंग संशोधन बोर्ड कोविड-19 ला तयार करणारा एजंट नोवेल कोरोना व्हायरसला कंट्रोल करण्यासाठी तंत्रज्ञानाचा वापर करण्यात येत आहे. जैविक विज्ञान आणि जैविक इंजिनिअरिंग विभाग (डीबीबी) ने आयआयटी बॉम्बेला ही जबाबदारी सोपवली आहे.
नाकात लावता येईल हे जेल
आयआयटी बॉम्बेची एक टीम एक खास जेल तयार करत आहे, जे नाकात लावता येणार आहे. कोरोनाचे विषाणू नाक आणि गळ्यातून शरीरात प्रवेश करतो असं म्हटले जाते. हे जेल लावल्यानंतर व्हायरस शरीरात जाऊच शकणार नाही, असा दावा आहे. या जेलला विकसित करण्यासाठी सायन्स आणि टेक्नॉलॉजी विभाग आर्थिक मदत देत आहे.
कोरोनाचा प्रसार थांबवण्यास मदत मिळेल
हे जेल विकसित केल्यानंतर सुरूवातीला फक्त वैद्यकीय कर्मचाऱ्यांनाच मदत होणार नाही, तर कोविड-19 चा संसर्ग थांबवण्यास मदत मिळणार आहे.
कोविड १९ चा संसर्ग अत्यंत वेगाने पसरतो, म्हणून डॉक्टर आणि नर्ससारखे आरोग्य सेवा देणाऱ्या कर्मचाऱ्यांचा धोका कमी करण्यासाठी हे जेल महत्त्वाचे ठरणार आहे.
जेल नऊ महिन्यांत उपलब्ध होईल
आयआयटी बॉम्बेच्या टीमने कोविड-19 चा प्रमुख एजेंट सार्स-कोव-२ व्हायरसला दोन टप्प्यात रोखण्याची रणनीती बनवली आहे.
हा व्हायरस सर्वांत आधी फुफ्फुसात पेशींमध्ये आपली प्रतिकृतीसारख्या अनेक पेशी तयार करतो. यासाठी रणनीतीचा पहिला भाग म्हणजे शरीरातील पेशींपर्यंत पोहोचवण्यापासून रोखणे. दुसऱ्या टप्पात जैविक अणू सामिल केला जाणार आहे, ज्याला डिटर्जेंटसारखे व्हायरसपर्यंत पोहोचवून व्हायरस निष्क्रिय केला जाऊ शकतो. या रणनितीनुसार बनवलेला जेल हा नाकात लावला जाऊ शकतो. आयआयटी बॉम्बेचे प्रोफेसर किरण कोंडाबगील, प्रोफेसर रिंती बॅनर्जी, प्रोफेसर आशुतोष कुमार आणि प्रोफेसर शमिक सेन या योजनेचा भाग असतील. या टीमला विषाणू विज्ञान, संरचनात्मक जीव विज्ञान, जैव भौतिकी, बायोमटेरियल्स आणि औषध वितरणाचाही चांगला अनुभव आहे. तंत्रज्ञान डेव्हलप करण्यासाठी ९ महिने वेळ लागेल, असा अंदाज आहे.

Related